ព្រះសីហនុ៖ នៅក្រុងព្រះសីហនុ ថ្ងៃទី១៦ ខែតុលា ឆ្នាំ២០២៣ ប្រធានមន្ទីរទេសចរណ៍ ខេត្តព្រះសីហនុ ប្រាប់ថា នាឱកាសបុណ្យភ្ជុំបិណ្ឌ រយៈពេល ០៣ថ្ងៃ (ថ្ងៃទី១៣-១៥ ខែតុលា ឆ្នាំ២០២៣) ភ្ញៀវទេសចរ បានចូលមកសម្រាកកម្សាន្តនៅខេត្តព្រះសីហនុរ ១៦១.៤១៥នាក់ កើនឡើង ៩១% ។

លោក តាំង សុចិត្តគ្រឹស្នា បន្តថា ភ្ញៀវទេសចរ បានចូលមកសម្រាកកម្សាន្តនៅខេត្តព្រះសីហនុ រយៈ​ពេល ០៣ថ្ងៃ នាឱកាសបុណ្យភ្ជុំបិណ្ឌ មានភ្ញៀវទេសចរផ្ទៃក្នុងសរុប ១៦១.៤១៥នាក់ កើន​ឡើង​ ៩១% ក្នុងនោះ ៖

-ភ្ញៀវជាតិ ១៥៧.០៤៦នាក់ កើនឡើងជាង ៩១%

-ភ្ញៀវបរទេសសរុប ៤.៣៦៩នាក់ កើនឡើង ៧១% ។

ប្រភពភ្ញៀវ និងគោលដៅទេសចរណ៍សម្រាកកម្សាន្ត រួមមាន៖

១.ភ្ញៀវចូលតាមព្រលានយន្តហោះអន្តរជាតិខេត្តចំនួន ០៦ជើង ស្មើនឹង ២១១​នាក់​កើន​ឡើង​ជាង ៥% ក្នុងនោះ .ភ្ញៀវជាតិ ០៦នាក់ កើនឡើង ១០០% ។ .ភ្ញៀវអន្តរជាតិ ២០៥នាក់ កើនឡើងជាង ៥% ។

២.ភ្ញៀវទេសចរទៅកម្សាន្តតាមបណ្តាកោះនានាសរុប ១.៣៤២នាក់ កើន​ឡើង​ ៤៨% ក្នុងនោះ

•ភ្ញៀវជាតិ ៧៦៨នាក់ កើនឡើង ២៤% 

•ភ្ញៀវបរទេស ៥៧៤នាក់ កើន​ឡើង ៩៩% ។

៣.ភ្ញៀវតាមបណ្តាឆ្នេរ និងរមណីយ ដ្ឋាននានសរុប ១៥៩.៨៦២នាក់ កើនឡើង ៩១% ក្នុងនោះ

•ភ្ញៀវជាតិ ១៥៦.២៧២នាក់ កើនឡើង ៩២%

•ភ្ញៀវបរទេស ៣.៥៩០នាក់ កើនឡើង ៧៣% ។

លោក បញ្ជាក់បន្ថែមថា ខេត្ដព្រះសីហនុ មានហេដ្ឋារចនាសម្ព័ន្ធល្អ ប្រព័ន្ធគមនាគមន៍សម្បូរបែប ធន​ធានធម្មជាតិសម្បូរបែប រម្មនីយដ្ឋានធម្មជាតិ និងរម្មនីយដ្ឋានកែច្នៃជាច្រើន ឆ្នេរ​សមុទ្រ​ស្អាត​ជាង​គេ​​លើពិភព ប្រវែងជាង ១៧៥គីឡូម៉ែត្រ កោះធំ តូច ៣២កោះ ដែលមាន​ឆ្នេរ​ខ្សាច់​ស​ល្អ​ស្អាត ធនធានធម្មជាតិសមុទ្រ ឱ្យពលរដ្ឋ ឬភ្ញៀវទេសចរ អាចជិះទូកស្ទូចត្រី មុជទឹកមើលផ្កាថ្ម (Snorkeling) មុជទឹកមើលសួនធម្មជាតិបាតសមុទ្រ (Diving) ។ល។