ភ្នំពេញ ៖ គណៈកម្មាធិការអចិន្ត្រៃយ៍ ICAPP បានសម្រេចជាឯកច្ឆន្ទឱ្យ ACC ដែលមានសម្តេចមហារដ្ឋសភាធិការធិបតី ឃួន សុដារី ជាប្រធាន បន្តកិច្ចព្រមព្រៀងសហប្រតិបត្តិការជាមួយអង្គការយូណេស្កូ (UNESCO) សម្រាប់អាណត្តិ ៥ឆ្នាំ។ ទន្ទឹមនឹងនេះ គណបក្សប្រជាជនកម្ពុជាក៏ទទួលបាននូវសេចក្ដីទុ កចិត្តឱ្យបន្តដឹកនាំគណៈកម្មាធិការអចិន្ត្រៃយ៍ និងវេទិកាយុវជន ICAPP ព្រមទាំងធ្វើជាម្ចាស់ផ្ទះនៃម ហាសន្និបាត ICAPP លើកទី១២ កិច្ចប្រជុំ ACC លើកទី៣ និងកិច្ចប្រជុំពាក់ព័ន្ធ នៅខែវិច្ឆិកា ឆ្នាំ២០២៤ បន្ទាប់ពីគណបក្សប្រជាជនកម្ពុជា ធ្លាប់ធ្វើជាម្ចាស់ផ្ទះនៃមហាសន្និបាត ICAPP លើកទី៦ កាលពីខែធ្នូ ឆ្នាំ២០១០ រួចមក។ នេះបើតាមសេចក្តីប្រកាសព័ត៌មាន ស្តីពី លទ្ធផលនៃកិច្ចប្រជុំគណៈកម្មាធិការអចិ ន្រ្តៃយ៍ ICAPP លើកទី៤០ និងវេទិកានយោបាយអាស៊ី-អឺរ៉ុបលើកទី៥ ថ្ងៃទី១៣-១៦ ខែតុលា ឆ្នាំ២០ ២៣ នៅទីក្រុងកដ្ឋមណ្ឌូ ប្រទេសនេប៉ាល់ ចេញផ្សាយឱ្យដឹង។

ប្រភពដដែលបន្តថា ក្នុងកិច្ចប្រជុំនៅប្រទេសនេប៉ាល់នេះដែរ អង្គប្រជុំបានកោតសរសើរ និងវាយតម្លៃខ្ពស់ចំពោះការរៀបចំ និងភាពជោគជ័យនៃការបោះឆ្នោតជ្រើសរើសតំណាងរាស្ត្រនីតិកាលទី៧ ឆ្នាំ២០ ២៣ របស់កម្ពុជាថា មានភាពសេរី យុត្តិធម៌ និងការផ្ទេរអំណាចតាមការបោះឆ្នោតប្រជាធិបតេយ្យក្រោ មការដឹកនាំរបស់សម្តេចតេជោ ទៅសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ប្រកបដោយសន្តិភាព។ 

អង្គប្រជុំ ICAPP ក៏បានឱ្យដឹងដែរថា កម្ពុជាត្រូវបានទទួលស្គាល់ថា ជាប្រទេសតភ្ជាប់នូវវប្បធម៌ និងអរិ យធម៌រវាងដែនដីខ្ពង់រាបហិម៉ាល័យ និងដែនដីទំនាបតំបន់អាស៊ីអាគ្នេយ៍ ព្រមទាំងជាប្រទេសដែលលើ កកម្ពស់ និងរក្សាបាននូវគុណតម្លៃសន្តិភាព ប្រជាធិបតេយ្យ និងជំនឿសាសនាផងដែរ។

សូមរម្លឹកផងដែរថា តាមការចាត់តាំងរបស់សម្ដេចអគ្គមហាសេនាបតីតេជោ ហ៊ុន សែន ប្រធានគណប ក្សប្រជាជនកម្ពុជា និងជាប្រធានស្ថាបនិកកិត្តិយសនៃក្រុមប្រឹក្សាវប្បធម៌អាស៊ី(ACC) គណៈប្រតិភូគ ណបក្សប្រជាជនកម្ពុជា ដឹកនាំដោយឯកឧត្តម សួស យ៉ារ៉ា អនុប្រធានទី១ គណៈទាក់ទងបរទេស និងជាអគ្គនាយក ACC បានចូលរួមកិច្ចប្រជុំគណៈកម្មាធិការអចិន្ត្រៃយ៍ ICAPP លើកទី៤០ និងវេទិកាន យោបាយអាស៊ី-អឺរ៉ុបលើកទី៥ ដែលបានប្រព្រឹត្តទៅកាលពីថ្ងៃទី១៣-១៦ ខែតុលា ឆ្នាំ២០២៣ នៅទីក្រុងកដ្ឋមណ្ឌូ ប្រទេសនេប៉ាល់។

កិច្ចប្រជុំនេះត្រូវបានរៀបចំឡើងដោយគណបក្សកុម្មុយនីស្តនេប៉ាល់(UML) ដោយមានការចូលរួមពីតំ ណាងគណបក្សនយោបាយចំនួន ២៦ មកពីប្រមាណ ១៦ ប្រទេស នៅអាស៊ី និងអឺរ៉ុប ដោយបានអនុម័តនូវសេចក្តីថ្លែងការណ៍ទីក្រុងរដ្ឋមណ្ឌ ដែលជំរុញឱ្យមានកិច្ចសហប្រតិបត្តិការ និងភាពជាដៃគូរវាងបណ្ដាគណបក្សនយោបាយ និងស្ថាប័នពាក់ព័ន្ធនៅអាស៊ី និងអឺរ៉ុប ដើម្បីលើកកម្ពស់វិស័យទេសចរណ៍ប្រកបដោយចីរភាព និងធានាបាននូវស្ថិរភាពហិរញ្ញវត្ថុក្រោយវិបត្តិកូវីដ-១៩៕ ដោយ៖ គង់ ឌិន