ឧត្តមសេនីយ៍កងទ័ពអាមេរិកដែលចូលនិវត្តន៍ លោក ដាវីត ផិតទ្រៀស ( David Petraeus) កាលពីថ្ងៃចន្ទ បានដាស់តឿនអ៊ីស្រាអែលឲ្យគិតអំពីអ្វី ដែលតំបន់ហ្គាហ្សាក្រោយជម្លោះ នឹងមើលទៅយ៉ាងណា ដោយបានលើកឡើងពីការរៀបចំ«មិនគ្រប់គ្រាន់»របស់សហរដ្ឋអាមេ  រិក មុនពេលការឈ្លានពានអ៊ីរ៉ាក់កាលពី ២០ឆ្នាំមុន។

កផិតទ្រៀស បាននិយាយក្នុងបទសម្ភាសន៍មួយជាមួយសារព័ត៌មាន CBS Mornings ថា៖« ខ្ញុំជាឧត្តមសេនីយ៍ផ្កាយពីរម្នាក់ ខ្ញុំចាំថាបានសួរមុនពេលយើងទៅទីក្រុងបាកដាដ ហើយខ្ញុំបាននិយាយថា សូមអភ័យទោស អ្នកដឹងទេ តើយើងអាចមានព័ត៌មានលម្អិតបន្ថែមអំពីអ្វីដែលកើតឡើងបន្ទាប់ពីយើងទៅដល់ទីក្រុងបាកដាដ និងផ្តួលរំលំរបបនេះទេ? ហើយពួកគេនិយាយថា«អ្នកគ្រាន់តែនាំយើងទៅដល់ទីក្រុងបាកដាដបានហើយ ដេវ (Dave)។ យើងនឹងផ្តួលរំលំរបបនេះពីទីនោះ»។

លោកផិតទ្រៀស បានបន្ថែមថា៖« វាត្រូវបានគេហៅថា «ក្រោយជម្លោះ» យើងច្បាស់ជាបានធ្វើដំណាក់កាលទី៤ មិនបានគ្រប់គ្រាន់។

ខណៈពេលដែលការគាំទ្រជាសាធារណៈចំពោះការលុកលុយរបស់សហរដ្ឋអាមេរិកនៅអ៊ីរ៉ាក់ មានកម្រិតខ្ពស់ ការគាំទ្របានធ្លាក់ចុះយ៉ាងឆាប់រហ័ស ខណៈដែលការលុកលុយ បានបណ្តាលឲ្យមានអំពើហិង្សាដ៏ខ្លាំងក្លា និងការតស៊ូរៀបចំចំពោះការកាន់កាប់ដែលដឹកនាំដោយសហរដ្ឋអាមេរិក។ ឥទ្ធិពលនយោបាយនៃការគាំទ្រដល់ការលុកលុយរបស់សហរដ្ឋអាមេរិកចំពោះមន្ត្រីជាប់ឆ្នោត និងយោធាជាច្រើននាក់ នៅតែបន្តរហូតមកដល់សព្វថ្ងៃនេះ ខណៈដែលទាហានអាមេរិករាប់ពាន់នាក់ ត្រូវបានសម្លាប់ក្នុងអំឡុងពេលជម្លោះ រយៈពេល៨ឆ្នាំ។