ក្រុមនគបាលផ្នែកកោសល្យវិទ្យានៅថ្ងៃអង្គារនេះ បានធ្វើការស៊ើបអង្គេតនៅហាងកាហ្វេក្រុងព្រុចសែលមួយជាទីដែលខ្មាន់កាំភ្លើងបានសម្លាប់ជនជាតិស៊ុយអែតពីរនាក់ ក្នុងរដ្ឋធានីប្រទេសបែលហ្ស៊ីក កាលពីយប់ថ្ងៃច័ន្ទនោះ ត្រូវបានគេឃើញនៅមុនពេលចាប់ខ្លួន។

ខ្មាន់កាំភ្លើងម្នាក់ដែលគេសង្ស័យជាជនជាតិទុយនីស៊ី បានសម្លាប់អ្នកគាំទ្របាល់ទាត់ជនជនជាតិ

ស៊ុយអែតពីរនាក់ ក្នុងក្រុងព្រុចសែល បានស្លាប់មួយថ្ងៃក្រោយមកនៅថ្ងៃអង្គារនេះ បន្ទាប់ពីត្រូវបានបាញ់ដោយសមតហថកិច្ចមក។

អ្នកវាយប្រហាមានអាយុ៤៥ឆ្នាំ ដែលបានបញ្ជាក់អត្ដសញ្ញាណខ្លួនឯងថាជាសមាជិករបស់ពួករដ្ឋអ៊ីស្លាម និងបានអះអាងទទួលខុសត្រូវនៅក្នុងវីដេអូមួយដែលបង្ហោះតាមអនឡាញ ក៏ត្រូវបានគេសង្ស័យថា បានបង្កឲ្យជនជាតិស៊ុយអែតម្នាក់ទៀតរងរបួសនៅកណ្ដាលក្រុងព្រុចសែលផងដែរ។

ខ្មាន់កាំភ្លើងបានរត់គេចចេញពីកន្លែងកើតហេតុបន្ទាប់ពីមានការបាញ់ប្រហារខណៈដែលការប្រកួតបាល់ទាត់មួយរវាងក្រុមបែលហ្ស៊ីកនិងស៊ុយអែត ទើបនឹងចាប់ផ្ដើម ដែលបង្កឲ្យមានការតាមប្រមាញ់ដ៏ធំមួយ ហើយនិងកំពុងធ្វើឲ្យប្រទេសបែលហ្ស៊ីកបង្កើនការប្រុងប្រយ័ត្នភ្លាមៗពីភេរវកម្មនៅក្នុងរដ្ឋធានីរបស់ខ្លួនក្នុងកម្រិតខ្ពស់បំផុត។

ការបាញ់ប្រហានេះបានកើតឡើងនៅចំពេលដែលមានការព្រួយបារម្ភពីការរឹតបន្ដឹងសន្ដិសុខនៅក្នុងប្រទេសមួយចំនួននៅអឺរ៉ុបដែលមានការពាក់ព័ន្ធនឹងជម្លោះអ៊ីស្រាអែល ហាម៉ាស ទោះបីជាព្រះរាជអាជ្ញាសហព័ន្ធបែលហ្ស៊ីក បាននិយាយថា មិនមានភស្ដុតាងណាមួយដែលបង្ហាញថា អ្នកវាយប្រហារមានជាប់ទាក់ទងនឹងជម្លោះថ្មីៗរវាងអ៊ីស្រាអែល និងពួកសកម្មប្រយុទ្ធប៉ាឡេស្ទីនក៏ដោយ៕