ភ្នំពេញ ៖ នៅរសៀលថ្ងៃទី១៩ ខែតុលា ឆ្នាំ២០២៣ស្អែកនេះ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ នឹងអញ្ជើញសម្ពោធសៀវភៅស្ថាប័ននៃសេចក្ដីស្លាប់ស-២១៖ កន្លែ ងចូលមិនដែលចេញ។ ពិធីសម្ពោធផ្លូវការ នឹងរៀបចំធ្វើនៅសារមន្ទីរឧក្រិដ្ឋកម្មប្រល័យពូជសាសន៍ទួ លស្លែង។

ពិធីសម្ពោធសៀវភៅនេះ នឹងមានការចូលរួមពីឯកឧត្តម Stefan Messerer ឯកអគ្គរដ្ឋទូត នៃសាធារ ណរដ្ឋសហព័ន្ធអាល្លឺម៉ង់ប្រចាំកម្ពុជា, ឯកឧត្តម Jacques PELLET ឯកអគ្គរដ្ឋទូត នៃសាធារណរដ្ឋបារាំង, ឯ កឧត្តម Justin Kevin Whyatt ឯកអគ្គរដ្ឋទូត នៃប្រទេសអូស្ត្រាលី, ឯកឧត្តម Sardar Umar Alam តំ ណាងអង្គការយូណេស្កូ ប្រចាំកម្ពុជា, លោកជំទាវ Choi Moon Jung តំណាង KOICA ប្រចាំកម្ពុជា។

សៀវភៅស្ដីពី«ស្ថាប័ននៃសេចក្ដីស្លាប់ ស-២១៖ កន្លែងចូលមិនដែលចេញ» ជាស្នាដៃកើតចេញពីការខិ តខំប្រឹងប្រែងរបស់មន្ត្រី បុគ្គលិកសារមន្ទីរទួលស្លែង ក្រោមការជួយសម្របសម្រួលពីទីប្រឹក្សារបស់ GIZ អាល្លឺម៉ង់ ព្រមទាំងការជួយផ្ដល់យោបល់ពីអ្នកប្រវត្តិសាស្ត្រជាតិ និងអន្តរជាតិផងដែរ។

ការសម្រេចបាននូវការបោះពុម្ពផ្សាយសៀវភៅបែបប្រវត្តិសាស្ត្រនេះ បង្ហាញពីការយកចិត្តទុកដាក់ខ្ព ស់ចំពោះការស្រាវជ្រាវ និងចងក្រង ព្រមទាំងផ្សព្វផ្សាយពីប្រវត្តិសាស្ត្រដ៏ជូរចត់ក្នុងរបបប្រល័យពូជសាសន៍ខ្មែរក្រហម ដើម្បីទុកជូនអ្នកជំនាន់ក្រោយចងចាំ និងយល់ច្បាស់ពីប្រវត្តិសាស្ត្រកម្ពុជា៕ ដោយ ៖ រដ្ឋា