រដ្ឋមន្ត្រីក្រសួងមហាផ្ទៃរបស់សហភាពអឺរ៉ុបកាលពីថ្ងៃព្រហស្បតិ៍ បានពិភាក្សាគ្នាអំពីរបៀបគ្រប់គ្រងផលប៉ះពាល់នៃសង្គ្រាមរវាងអ៊ីស្រាអែល និងក្រុមហាម៉ាសលើប្លុកនេះ ចំពេលមានភាពតានតឹងផ្នែកសន្តិសុខកាន់តែខ្លាំងឡើង បន្ទាប់ពីការវាយលុកដោយគ្រាប់បែកលើព្រះវិហារជ្វីហ្វ នៅទីក្រុងប៊ែរឡាំង និងការសម្លាប់មនុស្សនៅក្នុងប្រទេសបែលហ្សិក និងប្រទេសបារាំង ដោយសង្ស័យថាជាពួកជ្រុលនិយមឥស្លាម។

មន្ត្រីមកពីសហភាពអឺរ៉ុបទាំង២៧ប្រទេស បានសម្តែងការព្រួយបារម្ភអំពីការកើនឡើងនៃការវាយប្រហារប្រឆាំងជនជាតិជ្វហ្វ ការធ្វើការបដិវត្តន៍របស់ក្រុមយុវវ័យ តាមអ៊ីនធឺណិត ការប្រើប្រាស់សេវាកម្មផ្ញើសារដែលផ្លាស់ប្តូរព័ត៌មានតាមអ៊ីនធឺណិត ដោយឧក្រិដ្ឋជន ឬក្រុមជ្រុលនិយម និងតម្រូវការក្នុងការពន្លឿនការនិរទេសមនុស្សដែលអាចបង្កឲ្យមានគ្រោះថ្នាក់សាធារណៈ។

ប៉ុន្តែការអំពាវនាឲ្យមានការបង្កើនសន្តិសុខនៅទូទាំងក្រុមប្រឹក្សានេះ ក៏កំពុងបង្កើតភាពមិនសប្បាយចិត្តយ៉ាងខ្លាំងផងដែរ ខណៈដែលដំណោះស្រាយនានា ដែលកំពុងពិភាក្សា អាចបំផ្លាញចលនាសេរី និងសិទ្ធិក្នុងការប្រមូលផ្តុំនៅអឺរ៉ុប។ គួរកត់សម្គាល់ថា ប្រទេសអ៊ីតាលី និងអាល្លឺម៉ង់ កំពុងដាក់ចេញនូវការត្រួតពិនិត្យព្រំដែនថ្មី។

ប្រធានគោលនយោបាយការបរទេសរបស់សហភាពអឺរ៉ុបលោក ចូសិប បូរ៉ែល (Josep Borrell) ជឿជាក់ថា ផ្នែកមួយនៃដំណោះស្រាយចំពោះបញ្ហាសន្តិសុខរបស់អឺរ៉ុប ត្រូវតែពាក់ព័ន្ធនឹងប្លុកនេះ ជួយផ្នែកការទូត និងហិរញ្ញវត្ថុ ដើម្បីបញ្ចប់ជម្លោះជាច្រើនឆ្នាំរវាងអ៊ីស្រាអែល និងប៉ាឡេស្ទីន។