របាយការណ៍ពីអាជ្ញាធរខណ្ឌដង្កោបានឱ្យដឹងថា គិតត្រឹមវេលាម៉ោង៦ និង៤៧នាទីព្រឹកថ្ងៃ​ទី​២០ ខែតុលា ឆ្នាំ២០២៣ ស្ថានភាពទឹកជំនន់តាមសណ្តរស្ទឹងព្រែកត្នោត នៃមូលដ្ឋាន​ខណ្ឌ​ដង្កោ ​រាជធានីភ្នំពេញ បានបណ្តាលឲ្យរងផលប៉ះពាល់ប្រមាណ ០៩សង្កាត់ ស្មើ ៤១ភូមិ ដោយ​បាន​ជន់​លិចផ្ទះ ៩៣៣ខ្នង មាន ១០០៥គ្រួសារ ដែលមានមនុស្ស ៣៧២៦នាក់ ។ ប៉ះពាល់ផ្លូវ ចំនួន ១០ខ្សែ សាលារៀន ចំនួន ០២ មណ្ឌលសុខភាព ចំនួន ០១ វត្ត ចំនួន ០៣ សាលាសង្កាត់ ចំនួន ០២ និងប៉ុស្តិ៍រដ្ឋបាល ចំនួន ០២ ។

មន្ត្រីជំនាញបញ្ជាក់ថា ទំនប់ ៧មករា កម្ពស់ទឹកខាងមុខទ្វា មានកម្ពស់ ៥,៨៥ម៉ែត្រ ខ្ពស់​ជាង​ទំនប់​បង្ហៀរ ១,០៥ម៉ែត្រ ។ កម្ពស់ទឹកខាងក្រោយទ្វាមានកម្ពស់ ៨,៦៨ម៉ែត្រ កើនឡើង ០,៩៣​ម៉ែត្រ​ ។ កម្ពស់ទឹកក្រោយទ្វា ៧,០០ម៉ែត្រ កម្ពស់ទឹកមុខ និង ក្រោយទ្វាខុសគ្នា ០,១៧ម៉ែត្រ ៕

តារាវុទ្ធី