ម៉ាឡេស៊ី៖ ការ​ចាក់​វ៉ាក់សាំង COVID-19 របស់​ប្រទេស​ម៉ាឡេស៊ីបាន​បន្ត​ បន្ទាប់ពី​រដ្ឋាភិបាល​បាន​អនុញ្ញាត​ឱ្យ​គ្លីនិក​ឯកជន និង​មន្ទីរពេទ្យ​រាប់​រយ​កន្លែង​ផ្តល់​ការ​ចាក់​វ៉ាក់សាំង​។ មជ្ឈ​មណ្ឌល​វេជ្ជសាស្ត្រ Sunway Medical Center ក្នុង​ក្រុង Petaling Jaya បាន​ចូលរួម​យុទ្ធនា​ការ​ចាក់​វ៉ាក់សាំង ដោយ​ផ្តល់​ការ​ចាក់​វ៉ាក់សាំងដល់​មនុស្ស​ដែល​មាន​អាយុ​ចាប់ពី​ ៧០​ឆ្នាំ​ឡើង​ទៅ និង​ជន​ពិការ​។

​ប្រទេស​ម៉ាឡេស៊ីបាន​មើល​ឃើញ​ការ​កើន​ឡើង ​នូវ​ករណី​ដែល​បាន​បញ្ជាក់​ពី​ករណី​ជំងឺ​COVID-19 កាលពី​សប្ដាហ៍​មុន ដែល​បង្ខំ​ឲ្យ​រដ្ឋាភិបាល​របស់​លោក​នាយ​ក​រដ្ឋមន្ត្រី Muhyiddin Yassin អនុវត្តការ​បិទ​ខ្ទប់​ក្រុងរយៈពេល ២​សប្ដាហ៍​ដោយ​បាន​ចាប់ផ្ដើម​កាលពី​ថ្ងៃ​ទី​១ ខែ​មិថុនា​។​ ករណី​ឆ្លង​នៅ​ក្នុង​ប្រទេស​ម៉ាឡេស៊ីបាន​កើន​ឡើង​ ចាប់​តាំង​ពី​មាន​មនុស្ស​ជាច្រើន​បាន​បំពាន​ច្បាប់​សុវត្ថិភាព ​ក្នុង​ការ​វិលត្រឡប់​ទៅកាន់​ស្រុកកំណើត​របស់​ពួកគេ​វិញ ក្នុងអំឡុងពេល​ពិធីបុណ្យ​ Eid របស់​សាសនា​អ៊ីស្លាម​ថ្មីៗ​នេះ​។

​ករណី​ប្រចាំថ្ងៃ​បាន​ឆ្លង​ពី ៦០០០​ករណី និង​ឈាន​ដល់ ៩.០០០​ករណី​ជា​លើកដំបូង​ក្នុង​រយៈពេល ១០​ថ្ងៃ​ក្នុង​ខែ​ឧសភា​។ ចំនួន​ករណី​សរុប​នៃ​ប្រទេស​ម៉ាឡេស៊ី​បាន​កើន​ឡើង​ ៥​ដង​ចាប់​តាំង​ពី​ឆ្នាំ​កន្លងទៅ​ដល់ ៥៩៥.៣៧៤​ករណីចាប់​តាំង​ពី​មានការ​រាតត្បាត និង​មាន​អ្នក​ស្លាប់​ជាង​ ៣.០០០​នាក់រួម​ទាំង​ការ​ស្លាប់​របស់​កុមារ​នា​ពេល​ថ្មីៗ​នេះ​។ ប្រទេស​នេះ​សង្ឃឹមថា ប្រជាជន ៨០% នៃ​ប្រជាជន​ចំនួន ៣៣​លាន​នាក់​ទទួល​បាន​ការ​ចាក់​វ៉ាក់សាំង​នៅ​ដំណាច់​ឆ្នាំនេះ​៕

អត្ថបទ៖ ប៊ុនថន