សាលាហ៊្វូតព្រីនអន្តរជាតិ នៅព្រឹកថ្ងៃទី២១ ខែតុលា ឆ្នាំ២០២៣នេះ បានសម្ពោធអគារសិក្សាថ្មីមួយទៀត នៃសាខាទូលទំពូង សម្រាប់កម្មវិធីអប់រំដល់កុមារតូចៗបែបអន្តរជាតិ ខណៈការសម្ពោធនេះក៏មានការចូលរួមពីមាតា បិតា អណាព្យាបាលសិក្សានុសិស្ស ដែលមានកូនៗ និងចៅៗចូលរៀននូវសាលានេះផងដែរ។
លោក អានឌ្រី ស្រ្តូវនាយកសាលាហ៊្វូតព្រីនអន្តរជាតិ បានថ្លែអថា ការបើកសម្ពោធជាផ្លូវការ នៃអគារអប់រំកុមារតូចៗនេះ គឺចង់បង្ហាញអំពីបន្ទប់ បណ្ណាល័យ ដែលមានលក្ខណៈស្តង់ដា សម្រាប់ផ្តល់ការអប់រំ និងសិក្សាដល់កុមារតូចៗប្រកបដោយសុវត្ថិភាព និងផាសុកភាព និងថែមទាំងបង្កើនភាពឆ្លាតវៃដល់ កុមារៗកាន់តែល្អប្រសើរបន្ថែមទៀតផងដែរ។
លោកបន្តថា កម្មវិធីសម្ពោធនូវអគារសិក្សាថ្មីនេះ គឺមានបន្ទប់សិក្សាសម្រាប់កុមារតូចៗចំនួនបី បន្ទប់បណ្ណាល័យ១ និងទីកន្លែងសិក្សាធំទូលាយទាំងក្នុង និងក្រៅ ដែលបណ្តុះឲ្យមានការសម្របខ្លួន តាមរយៈថ្នាក់សិក្សាដែលមានការផ្លាស់ប្តូរ ទីកន្លែងសិក្សាដោយការលេង និងការផ្តោតលើការត្រិះរិះពិចារណា របស់កុមារតូចៗជាដើម។
កម្មវិធីសម្ពោធនេះ ក៏មានការសម្តែង និង និងសកម្មភាពសប្បាយផ្សេងៗរបស់ កុមារតូចៗផងដែរ ដោយក្នុងនោះមានការលេងល្បែងកំសាន្ត និងការសម្តែងពីត្លុកកំប្លែងរបស់កុមារ បង្ហាញដល់មាតាបិតា អណាព្យាបាលរបស់សិស្សានុសិស្សផងដែរ។
សូមបញ្ជាក់ថាសាលាហ៊្វូតព្រីនអន្តរជាតិ បានទទួលស្គាល់ពីសមាគមន៍WASC ខណៈសាលានេះ បានផ្តល់ជូនការអប់រំដល់កុមារតូចៗអន្តរជាតិ និងកម្មវិធីសិក្សា និងការប្រឡងខេមប្រ៊ីជ ព្រមទាំងកម្មវិធីសិក្សាភាសាខ្មែរសម្រាប់សិស្សានុសិស្សជនជាតិខ្មែរ ដើម្បីទទួលបានសញ្ញាបត្រថ្នាក់ជាតិ ពីក្រសួងអប់រំ យុវជន និងកីឡាផងដែរ។ មួយវិញទៀតអគារសិក្សាសម្រាប់កម្មវិធីអប់រំកុមារតូចថ្មីនេះ នឹងផ្តល់នូវវិសាល ភាពដល់ក្រុមគ្រូសារហ៊្វូតព្រីន និងផ្តល់ទំនុកចិត្តដល់សហគមន៍នៃសាលាហ៊្វូតព្រីនអន្តរជាតិទាំងមូល៕ អត្ថបទបាន ចក់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
