រុស្ស៊ី ៖ ការវាយប្រហារមួយដោយមីស៊ីលរបស់រុស្ស៊ីទៅលើមណ្ឌលសេវាប្រៃសណីយ៍មួយក្នុងក្រុងខាគីវ ប្រទេសអ៊ុយក្រែន បានបណ្តាលឲ្យធ្លាយដំបូងមានប្រហោដ៏ធំ និងបានបំផ្លាញជញ្ជាំងនិងផ្នែកជាច្រើននៃហេដ្ឋរចនាសម្ព័ន្ធហើយមនុស្ស៦នាក់ បាត់បង់ជីវិត និង១៤នាក់ទៀត បានរងរបួស។

លោកលោកមីខាអ៊ីឡូ សាប នាយនគរបាលអ៊ុយក្រែនម្នាក់ បានប្រាប់អ្នកយកព័ត៌មាន Reutersថា ការវាយប្រហារនេះ បានកើតឡើង កាលពីសៅរ៍នៅវេលាម៉ោង១០h១២នាទីយប់ ដោយបានបញ្ជាក់ថាមជ្ឈមណ្ឌលប្រៃសណីយ៍មួយនេះ ត្រូវបានវាយប្រហារពីរលើកមកហើយ។

នគរបាល បាននិយាយថា កម្មករជាច្រើននាក់មកពីមជ្ឈមណ្ឌប្រៃសណីយ៍នេះ មិនមានពេលរត់ទៅជ្រកពួនទេ ព្រោះសំឡេស៊ីរ៉ែន បានបន្លឺឡើង១វិនាទី មុនគ្រាប់មីស៊ីលបានធ្លាក់មកដល់។

អ្នកយកព័ត៌មាន មិនអាចផ្ទៀងផ្ទាត់ដោយឯករាជ្យពីរបាយការណ៍នោះបានទេ។ ហើយក៏មិនមានការធ្វើអត្ថាធិប្បាយភ្លាមៗពីភាគីរុស្ស៊ីដែរ។ ភាគីទាំងពីរ បានវាយប្រហារលើជនស៊ីវិលជាញឹកញាប់ នៅក្នុងសង្រ្គាមចាប់តាំងពីរុស្ស៊ី បានចាប់ផ្ដើមវាយលុកចូលទៅក្នុងប្រទេសជិតខាងខ្លួន កាលពីខែកុម្ភៈឆ្នាំ២០២២មក៕