អ៊ុយក្រែន ៖ យានដ្រូនមានឥទ្ធិពលយ៉ាងខ្លាំងទៅក្នុងសមរភូមិសង្រ្គាមនៅអ៊ុយក្រែន ដែលប្រើប្រាស់ក្នុងបរិមាណដ៏ច្រើនដោយភាគីទាំងពីរ។ ទោះយ៉ាងណា វិធានការរបស់ប្រទេសចិនក្នុងការរឹតត្បិតលើការនាំចេញបាននាំឱ្យមានការព្រួយបារម្ភថាអាចមានបញ្ហាដល់ការផ្គត់ផ្គង់។  

ភាគច្រើននៃយានដ្រូនត្រូវបានផលិតជាពាណិជ្ជកម្មនៅក្នុងប្រទេសចិន ហើយបានទិញចេញពីក្រុមហ៊ុន ហើយការផ្គត់ផ្គង់ថ្មីមានសារៈសំខាន់ណាស់ ដោយសារតែ យានដ្រូនបានបាត់បង់យ៉ាងច្រើននៅក្នុងការប្រយុទ្ធគ្នា។

ប៉ុន្តែមានការបង្ហាញពីការកាត់បន្ថយចំនួនយានដ្រូនរបស់ចិន និងផ្នែកដែលមានសម្រាប់ទាំងអ៊ុយក្រែន និងរុស្ស៊ី។   

យោងតាមវិទ្យាស្ថាន Royal United Services (Rusi) ជាវិទ្យាស្ថានស្រាវជ្រាវ ដែលមានមូលដ្ឋាននៅទីក្រុងឡុងដ្រ ប្រទេសអ៊ុយក្រែនកំពុងបាត់បង់យានដ្រូនប្រហែល១ម៉ឺនគ្រឿងក្នុងមួយខែ។

យានដ្រូនពាណិជ្ជកម្មត្រូវបានប្រើប្រាស់ជាមួយនឹងការចេញគំរូយោធាក្នុងគោលបំណង ដូចជា

យានដ្រូនបាយរ៉ាក់តា(Bayraktar)របស់ទួរគី ដែលប្រើដោយអ៊ុយក្រែន និងយានដ្រូន ហ្សាហ៊ីដ (Shaheds)របស់អ៊ីរ៉ង់ ប្រើដោយរុស្ស៊ី។ 

ការរឹតត្បិតចុងក្រោយបង្អស់របស់រដ្ឋាភិបាលចិនបានចូលជាធរមានកាលពីថ្ងៃទី១ ខែកញ្ញា។ ពួកគេអនុវត្តចំពោះយានដ្រូនហោះហើរចម្ងាយឆ្ងាយដែលមានទម្ងន់លើសពី ៤គីឡូក្រាម ក៏ដូចជាឧបករណ៍ទាក់ទងនឹងយានដ្រូន ដូចជា កាមេរ៉ា និងម៉ូឌុលវិទ្យុមួយចំនួន៕