ដងផ្លូវនៅទីក្រុង Mexico City ប្រទេសម៉ិកស៊ិក មានភាពរស់រវើកកាលពីយប់ថ្ងៃអាទិត្យ ពេលដែលគ្រោងឆ្អឹងរាប់រយគ្រោងឆ្អឹង បានដើរព្យុហយាត្រានៅមហាវិថីដ៏សំខាន់របស់រដ្ឋធានីមួយនេះ ដែលជាផ្នែកមួយនៃពិធីបុណ្យទិវាមរណៈ ។

 ប្រជាពលរដ្ឋម៉ិកស៊ិក បានលាបពណ៌ និងស្លៀកពាក់ជាគ្រោងឆ្អឹងនិមិត្តរូបម៉ិកស៊ិក "La Catrina" មុនថ្ងៃប្រារព្ធទិវាមរណៈ។ ការដង្ហែព្យុហយាត្រានេះដែរ ស្ថិតនៅក្នុងចំណោមព្រឹត្តការណ៍ជាច្រើនទៀតសម្រាប់ទិវាមរណៈ គឺជាប្រពៃណីមុនសម័យប្រទេសនិយាយភាសាអេស្ប៉ាញ ដែលក្រុមគ្រួសាររំឭកដល់អ្នកចែកឋានរបស់ពួកគេ និងប្រារព្ធការបន្តជីវិត ។

 សូមបញ្ជាក់ថា គ្រោងឆ្អឹង Catrina ត្រូវបានបង្កើតឡើងដោយលោក Jose Guadalupe Posada(១៨៥២-១៩១៣) គឺជាជាងគំនូរជីវចល ជាងគំនូរ និងវិចិត្រករម៉ិកស៊ិក ដែលការងាររបស់លោកមានឥទ្ធិលលើវិចិត្រករ និងជាងគំនូរជីវចលអាមេរិកឡាទីនយ៉ាងច្រើន ដោយសារតែភាពស្រួចស្រាវបែបចំអក និងការចូលរួមនយោបាយរបស់វា ។

 លោក Bereniceគឺជាអ្នកចូលរួមពិធីដង្ហែរព្យុហយាត្រាមួយរូប និយាយថា ការដង្ហែព្យុហយាត្រានេះ បានកើនឡើងច្រើន ដោយសារតែមានប្រពៃណីច្រើន ដោយមានការគោរពច្រើន ។ នោះហើយគឺជាហេតុផលដែលមាននូវការថែរក្សាច្រើនសម្លៀកបំពាក់ប្រពៃណី ។ មានភាពខុសប្លែកគ្នាច្រើន ប៉ុន្តែរឿងពិសេសមួយគឺគ្រោងឆ្អឹងបុរាណ Catrina ៕