អុីស្រាអែល ៖ យោធាប្រទេសអ៊ីស្រាអែល បាននិយាយកាលពីថ្ងៃអង្គារថា ឲ្យអង្គការសហប្រជាជាតិស្នើសុំក្រុមហាម៉ាសសម្រាប់ការផ្គត់ផ្គង់ប្រេងឥន្ធនៈ បន្ទាប់ពីទីភ្នាក់ងារអង្គការសហប្រជាជាតិផ្តល់ជំនួយដល់ជនស៊ីវិលប៉ាឡេស្ទីន នៅតំបន់ហ្កាហ្សា ដែលបានព្រមានថា ខ្លួនត្រូវបញ្ឈប់ប្រតិបត្តិការនៅយប់ថ្ងៃពុធ ប្រសិនបើគ្មានប្រេងឥន្ធនៈត្រូវបានដឹកជញ្ចូន។ ទីភ្នាក់ងារនេះ ដែលត្រូវបានគេស្គាល់ថា UNRWA បានបង្ហោះការព្រមានរបស់ខ្លួននៅលើប្រព័ន្ធផ្សព្វផ្សាយសង្គមកាលពីថ្ងៃអង្គារ។ កងកម្លាំងការពារជាតិអ៊ីស្រាអែល បានបង្ហោះវាជាថ្មីឡើងវិញ និងបាននិយាយថា ក្រុមសកម្មប្រយុទ្ធហាម៉ាស មានប្រេងឥន្ធនៈជាង ៥០០.០០០ លីត្រក្នុងស៊ីទែនស្តុក នៅក្នុងតំបន់ហ៊ុមព័ទ្ធហ្កាហ្សា។ កងកម្លាំងការពារជាតិអ៊ីស្រអែល (IDF) បានសរសេរថា ស្នើសុំក្រុមហាម៉ាស ប្រសិនបើអ្នកអាចធ្វើបាន ដែលមានប្រេងមួយចំនួន។ តំបន់ Rafah គឺជាច្រកឆ្លងកាត់ដ៏សំខាន់នៅក្នុងនិងក្រៅតំបន់ហ្កាហ្សា ដែលមិនជាប់ព្រំដែនជាមួយប្រទេសអ៊ីស្រាអែល។ វាបានក្លាយទៅជាការផ្តោតសំខាន់នៃកិច្ចខិតខំប្រឹងប្រែងដើម្បីផ្តល់ជំនួយ ចាប់តាំងពីអ៊ីស្រាអែលបានដាក់ការហ៊ុមព័ទ្ធទាំងស្រុង ក្នុងការសងសឹកចំពោះការវាយប្រហារដោយក្រុមសកម្មប្រយុទ្ធហាម៉ាស កាលពីថ្ងៃទី ៧ ខែតុលា។ សហរដ្ឋអាមេរិក កំពុងដឹកនាំការចរចាជាមួយអ៊ីស្រាអែល អេហ្ស៊ីប និងអង្គការសហប្រជាជាតិ ដើម្បីព្យាយាមបង្កើតយន្តការដឹកជញ្ជូនជំនួយជានិរន្តទៅកាន់តំបន់ហ្កាហ្សា។ ពួកគេកំពុងមានការមិនចុះសម្រុងគ្នាជុំវិញនីតិវិធីសម្រាប់ការពិនិត្យជំនួយ និងការទម្លាក់គ្រាប់បែកនៅខាងព្រំដែនតំបន់ហ្កាហ្សា។ ខណៈមានការដឹកជញ្ជូនស្បៀងអាហារ ទឹក និងថ្នាំពេទ្យត្រូវបានកំណត់មួយចំនួន ចាប់តាំងពីថ្ងៃសៅរ៍មក ប្រេងឥន្ធនៈមិនត្រូវបានអនុញ្ញាតឲ្យចូលនោះទេ។ អ៊ីស្រាអែល មានការព្រួយបារម្ភអំពីការបង្វែរការដឹកជញ្ជូនប្រេងឥន្ធនៈដែលអាចធ្វើទៅបានដោយក្រុមហាម៉ាស ហើយអ្នកនាំពាក្យសន្តិសុខជាតិសេតវិមានលោក John Kirby កាលពីថ្ងៃអង្គារបានចាត់ទុកការព្រួយបារម្ភរបស់អ៊ីស្រាអែលថាត្រឹមត្រូវ។