អុីស្រាអែល ៖ យោធាបាននិយាយនៅក្នុងសេចក្ដីថ្លែងការមួយនូវអ្វីដែលវិទ្យុកងទ័ពអ៊ីស្រាអែលហៅថា ជាការពង្រីកការវាយលុកថ្មើរជើងដ៏ធំបំផុតនៅក្នុងសង្រ្គាមថ្មីៗនេះថាកងកម្លាំងថ្មើរជើងអ៊ីស្រាអែលបានធ្វើប្រតិបតហតិការនៅក្នុងតំបន់ហ្កាហ្សាខាងជើងនៅថ្ងៃព្រហស្បតិ៍នេះដោយវាយលុកទៅលើគោលដៅជាច្រើនរបស់ក្រុមហាម៉ាសមុនពេលដកថយ។

វីដេអូនៃសកម្មភាពសឹកពេលយប់ដែលត្រូវបានផ្សព្វផ្សាយដោយយោធា បានបង្ហាញពី រថពាសដែកជាច្រើនគ្រឿង កំពុងរុលឆ្លងកាត់តំបន់ព្រំដែនដែលមានសម្បូរខ្សាច់។ គ្រឿងចក្រ ត្រូវបានគេឃើញកំពុងឈូសនៅតាមច្រាំងខ្ពស់ៗ ការបាញ់ផ្លោងចេញពីរថក្រោះ និងការផ្ទុះត្រូវបានគេឃើញនៅជិតៗ ឬនៅចំមុខជួរអគារដែលខូចខាតជាច្រើន។

អ្នកយកព័ត៌មានរ៉ូយទ័រ អាចបញ្ជាក់ពីទីតាំងវីដេអូចេញពីអគារ ដែលនៅក្បែរៗនោះ មានពណ៌បៃតង និងប្លង់ផ្លូវដែលត្រូវគ្នានឹងផែនទីផ្កាយរណប។

សេចក្ដីថ្លែងការដែលបង្ហោះតាមអនឡាញ បាននិយាយថា ការលុកលុយនេះ ត្រូវបានធ្វើឡើងដោយមានការ ត្រៀមលក្ខណៈជាមុនសម្រាប់ដំណាក់បន្ទាប់នៃការប្រយុទ្ធ ដែលអាចឈានទៅរកការវាយលុកទ្រង់ទ្រាយធំដែលក្រុមមេដឹកនាំអ៊ីស្រាអែល បានគំរាមថា ជាផ្នែកនៃសង្រ្គាមបំផ្លាញក្រុមហាម៉ាសនោះ។

សេចក្ដីថ្លែងការណ៍ពីយោធា បានបន្ថែមថាក្រុមទាហានចាប់តាំងពីចេញពីតំបន់នោះ ឥឡូវបានវិលត្រឡប់ទៅទឹកដីអ៊ីស្រាអែលវិញហើយ។

អ៊ីស្រាអែល បានចាប់ផ្ដើមវាយលុកថ្មើរក្នុងដែនដីរបស់ខ្លួនកាលថ្ងៃអាទិត្យ ខណៈសង្រ្គាមដែលបង្កឡើងដោយការវាយសម្រុកឆ្លងដែនកាលពីថ្ងៃទី៧តុលា ដោយការដោយក្រុមខ្មាន់កាំភ្លើងហាម៉ាសនោះ បានឈានចូលសប្ដាហ៍ទីបីហើយ។

មិនមានការធ្វើអត្ថាធិប្បាយភ្លាមៗចេញពីក្រុមហាម៉ាសក្នុងតំបន់ហ្កហ្សានៅឡើយទេ។