ប្រព័ន្ធផ្សព្វផ្សាយក្នុងតំបន់ បានរាយការណ៍កាលពីថ្ងៃព្រហស្បតិ៍ថា ថនិកសត្វ​សមុទ្រ​ជា ៥០០​ក្បាល បានងាប់ ដោយសារជំងឺផ្តាសាយបក្សីក្នុងខែតុលានេះ នៅក្នុងប្រទេសប្រេស៊ីល។

ការ​ផ្ទុះឡើងនេះត្រូវបានកត់សំគាល់ នៅដើមខែតុលា នៅតំបន់ Praia do Cassino ភាគ​ខាង​ត្បូង ក្នុងទីក្រុង Rio Grande នៅពេលដែលរដ្ឋាភិបាលរដ្ឋ បានធ្វើ​តេស្ត​ថនិក​សត្វ​ងាប់​រក​ឃើញ​នៅ​ឆ្នេរ​សមុទ្រ។

ក្រុមមន្ត្រី បានបោសសម្អាតសាកសពថនិកសត្វសមុទ្រងាប់ទាំងអស់ កាលពីថ្ងៃព្រហស្បតិ៍ និង​បាន​កប់​ពួកវានៅលើឆ្នេរ ដើម្បីបញ្ឈប់ការរាលដាល។

ប្រព័ន្ធផ្សព្វ​ផ្សាយក្នុងតំបន់ បានរាយការការណ៍ថា អាជ្ញាធរបាន​ស្នើ​ឲ្យ​ពលរដ្ឋ​នៅ​ឲ្យ​ឆ្ងាយ​ពី​សត្វងាប់​ ឬឈឺ ដើម្បីការពារការឆ្លងណាមួយ៕