នគរបាលរដ្ឋ Maine កាលពីថ្ងៃព្រហស្បតិ៍ បានតាមស្វែងរកចាប់ខ្លួនទាហានបម្រុងអាមេរិកម្នាក់ ពីបទ ឃាតកម្ម បន្ទាប់ពីមនុស្ស១៨នាក់ត្រូវបានសម្លាប់និង១៣នាក់ផ្សេងទៀតរងរបួស ក្នុងការវាយប្រហារដោយការបាញ់រះនៅផ្លូវចង្អៀតមួយនៅកន្លែងបោះប៊ូលីង និងរង្គសាលមួយកន្លែង នៅក្នុងទីក្រុង Lewiston កាលពីយប់មុន។

នៅក្នុងការតាមប្រមាញ់ជនសង្ស័យ នគរបាលត្រូវបានដាក់ពង្រាយនៅទូទាំងរដ្ឋ Maine ភាគខាងត្បូង ដោយមានដីការចាប់ខ្លួន លោក Robert R. Card ជាពលបាលត្រី នៅជិតមូលដ្ឋានទាហានបម្រុងសហរដ្ឋអាមេរិក ដែលមន្ត្រីអនុវត្តច្បាប់បាននិយាយថាត្រូវបានដាក់ឲ្យស្នាក់នៅបណ្តោះអាសន្ននៅទីតាំងមណ្ឌលសុខភាពខួក្បាល កាលពីរដូវក្តៅ។

យោងតាមសារព័ត៌មាន ABC បានឲ្យដឹងថា នគរបាល បានទៅហ៊ុមព័ទ្ធលំនៅឋាន របស់ឪពុកជនសង្ស័យ នៅក្នុងទីក្រុង Bowdoin រដ្ឋ Maine ជាកន្លែងដែលពួកគេ បានជឿថា លោក Card កំពុងលាក់ខ្លួនកាលពីយប់ថ្ងៃព្រហស្បតិ៍។

សាលារៀនរដ្ឋ ជាច្រើនកន្លែងនៅក្នុងតំបន់ បានផ្អាកថ្នាក់រៀន កាលពីថ្ងៃព្រសហស្បតិ៍ ហើយនគរបាល បានជំរុញឲ្យពលរដ្ឋ ស្នាក់នៅខាងក្នុង។