មេដឹកនាំបក្សប្រឆាំង លោក Donald Tusk បាននិយាយបន្ទាប់ពីប្រធានាធិបតី បានជ្រើសរើសកាលពីថ្ងៃព្រហស្បតិ៍ថា នឹងមិនតែងតាំងនាយករដ្ឋមន្ត្រីថ្មីនោះថា ប៉ូឡូញប្រឈមនឹងការបាត់បង់លទ្ធភាពទទួលបានមូលនិធិសហភាពអឺរ៉ុប ដែលជាប់គាំង ប្រសិនបើខ្លួនពន្យារពេលដំណើរការនៃការបង្កើតរដ្ឋាភិបាលថ្មី។

គណបក្សច្បាប់ និងយុត្តិធម៌ (PiS) បានកើតឡើងដំបូងក្នុងការបោះឆ្នោតថ្ងៃទី១៥ ខែតុលា ប៉ុន្តែបានបាត់បង់សំឡេងភាគច្រើនដាច់ខាត ហើយទំនងជាមិនអាចស្វែងរកដៃគូចម្រុះបានទេ។

ភាគីគាំទ្រអឺរ៉ុបចំនួនបី និយាយថា ពួកគេត្រៀមខ្លួនជាស្រេច ដើម្បីបង្កើតគណៈរដ្ឋមន្ត្រីដែលដឹកនាំដោយ លោក Tusk ហើយបានជំរុញឲ្យប្រធានាធិបតី Andrzej Duda កុំពន្យារពេលការតែងតាំងរូបលោក។

លោក Duda បាននិយាយថា លោកនឹងកោះប្រជុំសភាដែលទើបជាប់ឆ្នោតដំបូងនៅថ្ងៃទី ១៣ ខែវិច្ឆិកា ប៉ុន្តែមិនបានប្រកាសថា អ្នកណាដែលលោកនឹងស្នើសុំបង្កើតរដ្ឋាភិបាលថ្មីនោះទេ។

លោក Tusk បានថ្លែងប្រាប់អ្នកយកព័ត៌មាន នៅទីក្រុងប្រ៊ុចសែល ជាកន្លែងដែលខ្លួនបានជួបក្រុមមេដឹកអឺរ៉ុបថា៖«ប្រសិនបើប្រធានាធិបតីទទួលស្គាល់ការពិតភ្លាមៗថា មានសំឡេងភាគច្រើននៅក្នុងសភា ហើយអនុញ្ញាតឲ្យបង្កើតរដ្ឋាភិបាលមួយ ខ្ញុំធានាថា វានឹងមានន័យថា មានការផ្តល់ប្រាក់មូលនិធិយ៉ាងឆាប់រហ័សដល់ប្រទេសប៉ូឡូញ»។