តំណាងរាស្ត្ររបស់អាមេរិករបស់គណបក្សប្រជាធិបតេយ្យលោក Dean Phillips ត្រូវបានគេរំពឹងថា នឹងប្រកាសជាផ្លូវពីការប្រកួតប្រជែងប្រឆាំងនឹងប្រធានាធិបតីលោក Joe Biden ក្នុងការបោះឆ្នោតសាកល្បង សម្រាប់តំណែងប្រធានាធិបតីឆ្នាំ២០២៤ នៅថ្ងៃសុក្រ (ទី២៧ ខែតុលា) ក្នុងរដ្ឋ New Hampshire។

លោក Phillips វ័យ ៥៤ឆ្នាំ ដែលជាតំណាងឲ្យផ្នែកនៃរដ្ឋ Minnesota គឺជាសមាជិកម្នាក់ ក្នុងចំណោមអ្នកប្រជាធិបតេយ្យជាប់ឆ្នោតមួយចំនួន នៅកម្រិតសហព័ន្ធ ដែលគាំទ្រដោយបើកចំហនូវដំណើរការប្រកួតប្រជែង សម្រាប់ការតែងតាំងបេក្ខភាពប្រធានាធិបតីរបស់គណបក្ស។ លោកបាននិយាយថា លោកមានការព្រួយបារម្ភពីវិសាលភាពនយោបាយរបស់លោក Biden ដែលមានវ័យ ៨០ឆ្នាំ និងថា វាដល់ពេលសម្រាប់អ្នកជំនាន់ក្រោយធ្វើជាមេដឹកនាំហើយ។

លោក Phillips បាននិយាយថា លោកប្រហែលជាអាចមិនមែនជាបុគ្គល ដែលត្រូវប្រជែងជាមួយលោក Biden នោះឡើយ ដោយទទួលស្គាល់ឈ្មោះពីកិត្តិនាមដ៏តូចទាបរបស់ខ្លួន និងការគាំទ្រក្នុងកម្រិតមធ្យម ក្នុងចំណោមអ្នកមានឥទ្ធិពលភាគច្រើនបំផុតរបស់គណបក្សប្រជាធិបតេយ្យ ប៉ុន្តែលោកបានបដិសេធម្តងហើយម្តងទៀតថា មិនដកខ្លួនចេញពីការប្រកួតប្រជែងនេះទេ៕