លោកស្រី Ursula von der Leyen ប្រធានគណៈកម្មការអឺរ៉ុប បានបញ្ជាក់នៅក្នុងសន្និសីទសារព័ត៌មាននៅទីក្រុងប្រ៊ុចសែលថា សហភាពអឺរ៉ុប កំពុងធ្វើការងារលើកញ្ចប់ទណ្ឌកម្មលើកទី១២ របស់ខ្លួនប្រឆាំងនឹងរុស្ស៊ី ដែលត្រូវបានគេរំពឹងថា នឹងរួមបញ្ចូលការហាមឃាត់ការនាំចេញពេជ្រពីប្រទេសរុស្ស៊ី។

យើងកំពុងស្ថិតក្នុងដំណើរការរៀបចំកញ្ចប់ទណ្ឌកម្មទី១២ ប្រឆាំងនឹងរុស្ស៊ី។ ឥឡូវនេះ យើងកំពុងពិភាក្សាជាមួយរដ្ឋជាសមាជិក។ ជាពិសេស យើងកំពុងស្វែងរកវិធីកាត់បន្ថយចំណូលដែលនៅសេសសល់ ដែល   រុស្ស៊ីទាញយកពីការនាំចេញពេជ្រទៅកាន់អឺរ៉ុប និងដៃគូរបស់ខ្លួន»។

លោកស្រី Von der Leyen បានបន្ថែមថា កញ្ចប់ទណ្ឌកម្មថ្មី កំពុងត្រូវបានបង្កើតឡើងរួមគ្នាជាមួយប្រទេសG7។

លោកស្រី បន្ថែមថា លើសពីនេះ សហភាពអឺរ៉ុប ចង់ពង្រឹងប្រសិទ្ធភាពនៃវិធានការ ដែលមានស្រាប់ប្រឆាំងនឹងសហព័ន្ធរុស្ស៊ី។

របាយការណ៍នៅក្នុងប្រព័ន្ធផ្សព្វផ្សាយ បាននិយាយថា បណ្តាប្រទេស G7 នឹងប្រកាសអំពីយន្តការកំណត់ការនាំចូលពេជ្ររបស់រុស្ស៊ី នៅចុងខែតុលា បន្ទាប់ពីនោះ សហភាពអឺរ៉ុប នឹងបញ្ចប់ភ្លាមៗនូវសំណើសម្រាប់កញ្ចប់ទណ្ឌកម្មទី១២ របស់ខ្លួនប្រឆាំងនឹងរុស្ស៊ី។