អុីស្រាអែល ៖ ប្រព័ន្ធផ្សព្វផ្សាយអ៊ីស្រាអែល បាននិយាយថាបំពង់បង្ហូរទឹក៣ខ្សែ ដែលផ្តល់ទឹកចូលទៅក្នុងតំបន់ហ្កាហ្សា បានបើកឡើងវិញ ខណៈស្ថានភាពមនុស្សធម៌នៅក្នុងតំបន់ហ៊ុមព័ទ្ធមួយនេះកាន់តែធ្ងន់ធ្ងរ។ សេចក្តីរាយការណ៍ បាននិយាយថាការសម្របសម្រួលនៃសកម្មភាពរបស់រដ្ឋាភិបាល នៅក្នុងដែនដីនានា បានបើកឡើងវិញបំពង់បង្ហូរទឹកលើកទី២ កាលពីថ្ងៃអាទិត្យ។ 

ពួកគេនិយាយថា ទឹកដែលកំពុងត្រូវបានផ្គត់ផ្គង់ដោយអ៊ីស្រាអែល មានប្រមាណពាក់កណ្តាលនៃអ្វីដែលត្រូវបានផ្គត់ផ្គង់ នៅមុនពេលការវាយប្រហារដ៏ភ្ញាក់ផ្អើលកាលពីថ្ងៃទី៧ ខែតុលា ធ្វើឡើងដោយក្រុមហាម៉ាស់។ អ៊ីស្រាអែល បានកាត់ផ្តាច់ បំពង់បង្ហូរទឹក កាលពីថ្ងៃទី៩ ខែតុលា ជាផ្នែកនៃការបិទផ្លូវរបស់ខ្លួន ទៅកាន់តំបន់ហ្កាហ្សាដែលគ្រប់គ្រងដោយក្រុមហាម៉ាស់។ ក្រុមហ៊ុនគមនាគមន៍ដែលធ្វើប្រតិបត្តិការនៅក្នុងតំបន់ហ្កាហ្សា បាននិយាយថាបណ្តាញផ្សព្វផ្សាយសង្គម ដែលសេវាកម្មទូរគមនាគមន៍នៅក្នុងតំបន់ហ្កាហ្សា រួមមានទូរស័ព្ទ និងប្រព័ន្ធអ៊ីនធឺណិតកំពុងត្រូវបានភ្ជាប់ឡើងវិញជាបណ្តើរៗ បន្ទាប់ពីប្រព័ន្ធទាំងនេះ ត្រូវបានកាត់ផ្តាច់កាលពីថ្ងៃសុក្រដោយសារតែការទម្លាក់គ្រាប់បែករបស់អ៊ីស្រាអែល។ ទីភ្នាក់ងារការងារ និងជំនួយបន្ទាន់របស់អង្គការសហប្រជាជាតិ សម្រាប់ជនភៀសខ្លួនប៉ាឡេស្ទីន ឬ (UNRWA) បាននិយាយនៅក្នុងការបង្ហោះលើបណ្តាញផ្សព្វផ្សាយសង្គមកាលពីថ្ងៃអាទិត្យថាបុគ្គលិក អង្គការសហប្រជាជាតិ ៥៩នាក់ ត្រូវបានសម្លាប់នៅក្នុងជម្លោះនេះ ចាប់តាំងពីថ្ងៃទី៧ ខែតុលា។ រដ្ឋអាជ្ញាតុលាការព្រហ្មទណ្ឌអន្តរជាតិ(ICC) លោក Karim Khan បាននិយាយនៅក្នុងវីដេអូកាលពីថ្ងៃអាទិត្យថា តុលាការ ICC មានការស៊ើបអង្កេតដ៏សកម្មកំពុងតែបន្តក្នុងការជាប់ទាក់ទងទៅនឹងឧក្រិដ្ឋកម្មតាមដែលចោទប្រកាន់ ត្រូវបានធ្វើឡើងដោយក្រុមហាម៉ាស់ នៅក្នុងប្រទេសអ៊ីស្រាអែល កាលពីថ្ងៃទី៧ ខែតុលា ព្រមទាំងការជាប់ទាក់ទងនៅក្នុងតំបន់ហ្កាហ្សា និង West Bank។ លោក Khan និយាយថាស្ថានភាពមនុស្សធម៌ធ្ងន់ធ្ងរកំពុងវិវឌ្ឍ។ លោក និយាយថា ពុំគួមានការរារាំងការផ្គត់ផ្គង់ជំនួយមនុស្សធម៌ ទៅកាន់ពលរដ្ឋស្លូតត្រង់ដែលមានសិទ្ធនោះទេ នៅក្រុមច្បាប់មនុស្សធម៌អន្តរជាតិ។