កាលពីរដូវក្តៅឆ្នាំ ២០២២ បុរាណវិទូមួយក្រុមមកពីសាកលវិទ្យាល័យ Nicolas Copernicus របស់ប្រទេសប៉ូឡូញ បានរកឃើញរបកគំហើញមិនទាន់បានស្រាយចម្ងល់មួយ គឺឥដ្ឋធាតុអាយុកាល ៤០០ឆ្នាំរបស់ស្រ្តីវ័យក្មេងម្នាក់ ដែលបានបញ្ចុះក្នុងទីស្មសានគ្មានសញ្ញាសំគាល់លើដីពុំបានបូជាមួយកន្លែង ដោយមានចាក់សោរលើប្រអប់ជើងរបស់នាង និងមានកណ្តៀវនៅលើក.របស់នាង ។

 នៅឆ្នាំនេះ នៅចម្ងាយមិនឆ្ងាយប៉ុន្មានពីគ្នា ក្រុមតែមួយ បានរកឃើញឥដ្ឋធាតុកុមារម្នាក់ ដែលជាក្មេងអាយុពី ៥ឆ្នាំ ទៅ ៧ឆ្នាំ បញ្ចុះផ្ងាប់មុខ ហើយមានចាក់សោរលើប្រអប់ជើងដូចគ្នា ។ ក្រុមបុរាណវិទូ និយាយថា មនុស្សទាំង ២នាក់នេះ គឺជាបិសាចជញ្ជក់ឈាម ។

 លោកសាស្រ្តាចារ្យរង Dariusz Polinski ដែលជាបុរាណវិទូឈានមុខគេលើកំណាយនៅភូមិតូច Pien និយាយថា ខណៈដែលពាក្យបិសាចជញ្ជាក់ឈាមប្រើនៅក្នុងសម័យទំនើប អឺរ៉ុបកណ្តាលនាមជ្ឈិមសម័យ ជឿថាអ្នកស្លាប់បែបនេះ អាចជាមនុស្សត្រូវបណ្តាសារ 'Upior' ឬជាមនុស្សចម្លែកត្រូវបណ្តាសារ 'striga' ។ 

 លោក Polinski បន្តថា ជំងឺរបស់ជនរងគ្រោះ កុមារមិនទាន់បានធ្វើពិធីជ្រមុជទឹក ហើយនិងអ្នកដែលបានស្លាប់ភ្លាមៗ ត្រូវបានគេព្រួយបារម្ភជាពិសេស ។

 លោក Polinski ពន្យល់ថា ស្រ្តីម្នាក់នេះ ទំនងជាឈឺ ហើយអាចកើតរោគសញ្ញាដែលបណ្តាលឲ្យសហគមន៍របស់នាង ព្រួយបារម្ភថានាងនឹងអាចរស់ឡើងវិញ ៕