នៅថ្ងៃចន្ទនេះ នាយករដ្ឋមន្រ្តីម៉ាឡេស៊ីលោក Anwar Ibrahim បានរិះគន់អ៊ីស្រាអែល និងបានជំរុញឲ្យមានសន្តិភាពនៅក្នុងតំបន់មជ្ឈិមបូព៌ា ស្របពេលជម្លោះកើនឡើងនៅក្នុងតំបន់ បន្ទាប់ពីការវាយប្រហាររបស់ក្រុមជីវពលហាម៉ាស់ កាលពីថ្ងៃទី ៧ ខែតុលាកន្លងទៅ ។

អនុសាសន៍របស់លោក Anwar បានកើតមានឡើង ស្របពេលដែលរូបលោកបានជួបជាមួយនាយករដ្ឋមន្រ្តីសិង្ហបុរី លោក Lee Hsien Loong ។

មេដឹកនាំរបស់ម៉ាឡេស៊ីរូបនេះ ដែលស្ថិតក្នុងដំណើរទស្សនកិច្ចរយៈពេល ២ថ្ងៃរបស់លោកទៅកាន់សិង្ហបុរី បានជួបប្រធានាធិបតីទើបជ្រើសរើសថ្មីរបស់ប្រទេសមួយនេះ គឺលោក Tharman Shanmugaratnam ផងដែរ ដែលជាផ្នែកមួយនៃវេទិកាដកថយរបស់មេដឹកនាំសិង្ហបុរី-ម៉ាឡេស៊ី ដើម្បីផ្តោតសំខាន់លើកិច្ចសហប្រតិបត្តិការទ្វេភាគីរវាងប្រទេសជិតខាងទាំង ២ ។

កាលពីថ្ងៃអង្គារសប្តាហ៍មុន លោក Anwarបានចូលរួមជាមួយក្រុមអ្នកគាំទ្រប៉ាឡេស្ទីន នៅបាតុកម្មក្នុងប្រទេសម៉ាឡេស៊ី គឺជាប្រទេសភាគច្រើនជាជនមូស្លីម ដែលបានក្លាយជាអ្នកគាំទ្រមូស្លីមជាយូរមកហើយលើបុព្វហេតុជនប៉ាឡេស្ទីន ហើយនិងបានអំពាវនាវឲ្យមានដំណោះស្រាយរដ្ឋ ២ ចំពោះជម្លោះរវាងអ៊ីស្រាអែល និងប៉ាឡេស្ទីន ។

លោក Anwarនិយាយថា ដូចដែលលោកបាននិយាយរួចហើយថា បញ្ហាទាំងមូលមិនមែនជាអ្វីដែលបានកើតឡើងកាលពីរយៈពេល ២សប្តាហ៍មុននោះទេ ពេលដែលក្រុមហាម៉ាស់វាយប្រហារលើអ៊ីស្រាអែល ប៉ុន្តែវាគឺជាអ្វីដែលពួកយើងផ្តល់លក្ខខណ្ឌថាជា “នយោបាយនៃការកាន់កាប់” ។ គ្មានប្រទេសណាអាចធ្វើអាណានិគមលើដែនដីប៉ាឡេស្ទីនបានឡើយ ប៉ុន្តែអ្វីដែលសំខាន់បំផុតនៅពេលនេះ ជាការពិតណាស់ថាជាសន្តិភាព ៕