អាជ្ញាធរអ៊ីរ៉ង់ បានចាប់ខ្លួនមេធាវីសិទ្ធិមនុស្សឈានមុខគេ កាលពីថ្ងៃអាទិត្យ បន្ទាប់ពីអ្នកស្រី បានចូលរួមពិធីបុណ្យសពរបស់ក្មេងស្រីជំទង់ម្នាក់ ដែលបានស្លាប់បន្ទាប់ពីបានរងរបួសជាច្រើនសប្តាហ៍មុន នៅក្នុងឧប្បត្តិហេតុដ៏អាថ៌កំបាំងមួយនៅលើរថភ្លើងក្រោមដីនៅទីក្រុងតេអេរ៉ង់។

របាយការណ៍របស់ទីភ្នាក់ងារសារព័ត៌មាន Fars ពាក់កណ្តាលផ្លូវការ ដែលជិតស្និទ្ធនឹងកងកម្លាំងសន្តិសុខរបស់ប្រទេសនេះ បាននិយាយថា អាជ្ញាធរ បានឃុំខ្លួន អ្នកស្រី Nasrin Sotoudeh ក្រោមការចោទប្រកាន់ពីបទបំពានលើច្បាប់ស្តីពីប្រមាជួតក្បាល ឬហ៊ីចាប (Hijab)របស់ប្រទេសអ៊ីរ៉ង់។

សារព័ត៌មានអ៊ីរ៉ង់ជាច្រើនផ្សេងទៀត បានចុះផ្សាយរបាយការណ៍នេះឡើងវិញ ហើយបាននិយាយថា មានការចាប់ខ្លួនជាច្រើននាក់ នៅក្នុងពិធីបុណ្យសពរបស់នាង Armita Geravanad ដែលមិនបានជួតក្បាលនឹងក្រមា នៅពេលនាង បានរងរបួស។

កាលពីថ្ងៃសៅរ៍ លោក Sotoudeh មានវ័យ ៦០ឆ្នាំ ដែលត្រូវបានគេស្គាល់ថាជាអ្នកការពារសកម្មជន អ្នកនយោបាយប្រឆាំង និងស្ត្រីនៅក្នុងប្រទេសអ៊ីរ៉ង់ ត្រូវបានកាត់ទោសពីបទដោះក្រមារបស់ពួកគេ បានហៅការស្លាប់របស់នាង Geravand ថា «ឃាតកម្មរដ្ឋមួយផ្សេងទៀត»។