រដ្ឋមន្ត្រីការពារជាតិអាល្លឺម៉ង់ លោក Boris Pistorius បានថ្លែងថា អ្នកស្រុកអាល្លឺម៉ង់គួរតែចាប់​ផ្តើមស៊ាំនឹងគំនិត​ដែលថា មានគ្រោះថ្នាក់នៃសង្គ្រាម នៅអឺរ៉ុប។

លោក Pistorius បាន​និយាយ​ថា​ «យើង​ត្រូវ​តែស៊ាំ​នឹង​គំនិត​ដែល​ថា​អាច​នឹង​មាន​ការ​គំរាម​កំហែង​ពីសង្រ្គាមនៅក្នុងទ្វីបអឺរ៉ុប»។

លោកជឿជាក់ថា ជម្លោះនៅមជ្ឈិមបូព៌ា និងសង្គ្រាមរបស់រុស្ស៊ីប្រឆាំងនឹងអ៊ុយក្រែន នឹងមាន​ផល​វិបាក​ជា​ច្រើនសម្រាប់សង្គមអាល្លឺម៉ង់។ ជាពិសេស ប្រទេសអាល្លឺម៉ង់ ត្រូវតែអាចការពារខ្លួនបាន ហើយ​នេះអនុវត្តចំពោះទាំងកងកម្លាំងប្រដាប់អាវុធនៃសាធារណរដ្ឋសហព័ន្ធអាល្លឺម៉ង់ និង​សង្គម​។

លោក Pistorius បាននិយាយថា៖«យើងត្រូវតែមានសមត្ថភាពក្នុងការប្រយុទ្ធ»។

លោក​បានបន្ថែមថា ប្រទេសអាល្លឺម៉ង់ នឹងធ្វើគ្រប់យ៉ាងនៅក្នុងជម្លោះមជ្ឈិមបូព៌ា ដើម្បី​ការពារ​កុំ​ឲ្យមា​ន​ភាពតានតឹតឹងកើនឡើងបន្ថែមទៀត។

លោក Pistorius បានច្រានចោលការចោទប្រកាន់ដែលថា រដ្ឋាភិបាលសហព័ន្ធ យឺតពេក​ក្នុង​ប្រតិកម្ម​ទៅ​នឹងអ្វីដែលហៅថា«ចំណុចរបត់»។ លោកបានសង្កត់ធ្ងន់ថា មិនត្រឹមតែមាន​មូល​និធិ​ពិសេស១០០ពាន់លានអឺរ៉ូ សម្រាប់កងកម្លាំងប្រដាប់អាវុធនៃសាធារណរដ្ឋសហព័ន្ធអាល្លឺម៉ង់ ត្រូវ​បាន​បង្កើតឡើងប៉ុណ្ណោះទេ ថែមទាំងស្ថាប័នរដ្ឋទាំង ក៏ត្រូវបានផ្លាស់ប្តូរផងដែរ។