ក្រុមអវកាសយានិក នៃយានស៊ិនចូវ Shenzhou-16 របស់ប្រទេសចិន បានត្រឡប់មក​ផែន​ដី​វិញ​ដោយ​ជោគជ័យប្រកបដោយសុវត្ថិភាព នៅថ្ងៃអង្គារនេះ បន្ទាប់ពីបេសកកម្មរយៈពេល ១៥៤ ថ្ងៃ​នៅ​ក្នុងស្ថានីយអវកាសរបស់ប្រទេសចិន ។     

កន្លែងស្នាក់ចូលឡើងវិញ ដែលមានក្រុមអវកាសយានិកចិនបីនាក់ នៅលើយានអាវកាស គឺ លោក ជីង ហៃផេង (Jing Haipeng)លោក ជូ យ៉ាងចូវ ( Zhu Yangzhu) និងលោក គួយ​ហៃចាវ (Gui Haichao) បានចុះចតនៅទីតាំងចុះចត តុងហ្វឹង (Dongfeng) ក្នុងវាលខ្សាច់ ហ្គូប៊ី (Gobi) ក្នុងតំបន់ស្វយ័តម៉ុងហ្គោលីខាងក្នុង ភាគខាងជើងប្រទេសចិន នៅម៉ោង ៨:១១ ព្រឹកម៉ោងនៅទីក្រុងប៉េកាំង នេះបើយោងតាមទីភ្នាក់ងារអវកាស China Manned Space Agency (CMSA) ។  

ទីភ្នាក់ងារនេះបានប្រកាសថា បេសកកម្ម Shenzhou-16 ដែលជា​បេសក​កម្ម​មនុស្ស​ដំបូង​ក្នុង​ការ​អនុវត្ត និងដំណាក់កាលអភិវឌ្ឍន៍នៃស្ថានីយអវកាសរបស់ប្រទេសចិន គឺជាជោគជ័យទាំងស្រុង។

លោក Jing ដែលជាមេបញ្ជាការនៃបេសកកម្ម គឺជាមនុស្សដំ​បូង​គេ​ដែល​ចាក​ចេញ​ពី​យាន​អវកាស​ចូលឡើងវិញ ដោយបានបញ្ចប់ការធ្វើដំណើរលើកទីបួនរបស់ លោក ដោយជោគជ័យ។ លោក​បានទៅកាន់ទីអវកាសច្រើនដងជាងអ្នកផ្សេងទៀត ដោយមាន​ពេល​វេលា​បេសកកម្មក្នុ​ង​គន្លង​តារា​វិថី ច្រើនជាង២០០ ថ្ងៃ៕