ក្រុមមន្ត្រីបាននិយាយកាលពីថ្ងៃអង្គារ៣១តុលាថា ចំហេះព្រៃនៅភាគខាងត្បូងរដ្ឋកាលីហ្វ័រនីញ៉ា ដែល​បង្កដោយខ្យល់ក្ដៅស្ងួត បានឆាបឆេះផ្ទៃដី ៨៩០ ហិកតា និងបានជំរុញ​ឱ្យមាន​ការ​បញ្ជា​ជម្លៀស​ប្រជាជនចំនួន ៤.០០០ នាក់នៅក្នុងសង្កាត់រីវើសាយ(Riverside) ។  

ភ្លើងឆេះព្រៃ Highland Fire បានកើនឡើងជិតទ្វេដងពេញមួយយប់ ដែលរុញ​ឲ្យ​រាល​ដាល​ខ្លាំង​ទៅ​ភាគ​ខាងលិចដោយខ្យល់ Santa Ana ។ បាតុ​ភូត​តាម​រដូវកាល​កើត​ឡើង​នៅ​ពេល​ខ្យល់​ស្ងួត​តំបន់​វាល​ខ្សាច់ បក់ចូលទៅកាន់មហាសមុទ្រ ដែលបង្កើត​ឱ្យ​មាន​ភ្លើង​ឆេះ​ព្រៃ​នៅ​រដ្ឋកាលីហ្វ័រនីញ៉ា​ភាគខាងត្បូង។        

នាយកដ្ឋានការពារព្រៃឈើ និងការពារអគ្គិភ័យ (Cal Fire) នៃរដ្ឋកាលីហ្វ័រនីញ៉ា បាននិយាយថា អគ្គិភ័យនេះមិនត្រូវបានតាមដានទេ គិតត្រឹមព្រឹកថ្ងៃអង្គារទី៣១តុលា ដោយ​ក្រុម​ការងារ​ពន្លត់​អគ្គិភ័យ​បាន​ពន្លត់ភ្លើងឆាបឆេះនៅលើដី ហើយយន្តហោះបានទម្លាក់សារធាតុពណ៌ ហ្វូស៊ា (fuchsia) ។  

នាយកដ្ឋានពន្លត់អគ្គិភ័យសង្កាត់ Riverside បានបញ្ជាឱ្យជម្លៀសមនុស្សប្រហែល ៤.០០០ នាក់ រួម​ទាំងទីក្រុងតូច អាហ្គោហ្កា (Aguanga) ជាទីដែលភ្លើងបានចាប់ផ្តើមឆាបឆេះកាលពីថ្ងៃចន្ទ។  

ក្រុម​មន្ត្រីបានបើកមជ្ឈមណ្ឌលជនភៀសខ្លួនមួយសម្រាប់មនុស្ស និងមួយទៀតសម្រាប់សត្វ។

នាយកដ្ឋានការពារព្រៃឈើ និងការពារអគ្គិភ័យ បាននិយាយថា មូលហេតុ​នាំ​ឲ្យ​មាន​ចំហេះ​ព្រៃ​នេះ​ កំពុងត្រូវបានស៊ើបអង្កេត ដោយបន្ថែមថា ការឆាបឆេះនេះ គឺជា​ការ​គម្រាម​កំហែង​ជា​បន្ត​បន្ទាប់ ដោយផ្លូវជាច្រើនបានបិទ និងបទបញ្ជាជម្លៀសចេញជាធរមាន៕