ពលរដ្ឋម៉ិកស៊ិក នៅក្នុងទីក្រុង Acapulco បានចាប់ផ្តើមទទួលអាហារ និងការផ្គត់ផ្គង់ កាលពីថ្ងៃអង្គារ ខណៈពួកគេព្យាយាមស្តារឡើងវិញពីការបំផ្លាញដោយព្យុះសង្ឃរា Otis។

យោងតាមអ្នកជំនាញព្យុះសង្ឃរា បាននិយាយថា មនុស្សជាង១០០នាក់ បានស្លាប់ឬបាត់ខ្លួន ហើយការខាតបង់ដោយសារការបំផ្លាញ អាចឈានដល់១៥ពាន់លានដុល្លារ។

ប្រទេសម៉ិកស៊ិក បានបញ្ចូនសមាជិកកងកម្លាំងប្រដាប់អាវុធ ដើម្បីរក្សាសណ្តាប់ធ្នាប់ និងជួយចែក អាហារ និងគ្រឿងផ្គត់ផ្គង់។

ពលរដ្ឋមួយចំនួន បានកាត់បន្ថយចំពោះការងូតទឹក នៅក្នុងទន្លេក្នុងតំបន់ ហើយរាប់រយនាក់ក្នុងចំណោមពួកគេ បានបង្កើតបណ្តាញដើម្បីទទួលការផ្តល់អាហារនៅផ្ទះបាយសហគមន៍រដ្ឋាភិបាល កាលពីថ្ងៃអង្គារ។

អាជ្ញាធរការពារជនស៊ីវិលប្រទេសម៉ិកស៊ិក រហូតមកដល់ពេលនេះ បានបញ្ជាក់ថាមានអ្នកស្លាប់៤៨នាក់ ក្នុងទីក្រុង Acapulco និងនៅតំបន់ក្បែរនោះ។

រដ្ឋាភិបាល ម៉ិកស៊ិក បាននិយាយថា ខ្លួននឹងបង្ហាញ ផែនការសង្គ្រោះនៅថ្ងៃពុធនេះ សម្រាប់រមណីយដ្ឋានឆ្នេរ Acapulco ដែលរងការវាយប្រហារដោយព្យុះសង្ឃរា ជាកន្លែងដែលការស្វែងរកអ្នកនៅរស់រាន នៅតែបន្ត ហើយមនុស្សរាប់ពាន់នាក់ព្យាយាមដើម្បីទទួលបានអាហារ និងទឹក។