ប៉ាឡេស្ទីន ៖ ប្រភពព័ត៌មានមួយដែលត្រូវបានសង្ខេបស្តីពីកិច្ចព្រមព្រៀង បានប្រាប់សារព័ត៌មានរ៉យទ័រថា ហ្វូងមនុស្សជាច្រើន ត្រូវបានគេមើលឃើញមកប្រមូលផ្តុំគ្នានៅច្រកឆ្លងកាត់ព្រំដែនRafah តំបន់ហ្កាហ្សា ខណៈកិច្ចព្រមព្រៀងមួយត្រូវបានសម្របសម្រួលថា នឹងមានការអនុញ្ញាតឲ្យធ្វើដំណើរចំពោះអ្នកកាន់លិខិតឆ្លង ដែនបរទេស និងអ្នករងរបួសធ្ងន់មួយចំនួនចូលទៅក្នុងប្រទេសអេហ្ស៊ីប។ 

ប្រភពបាននិយាយថាពុំមានតារាងពេលវេលា ថាតើ ច្រកឆ្លងកាត់តំបន់ Rafah នឹងនៅបើករយៈពេលយូរប៉ុណ្ណានោះទេសម្រាប់ការជម្លៀសខ្លួននៅក្នុងកិច្ចព្រមព្រៀង ដែលត្រូវបានសម្របសម្រួលដោយប្រទេសកាតា។ 

ប្រភពព័ត៌មាននិយាយថា កិច្ចព្រមព្រៀងនេះ ពុំពាក់ព័ន្ធចំពោះបញ្ហាផ្សេងទៀតនោះទេស្ថិតនៅក្រោមការចរចា ដូចជាចំណាប់ថ្នូរដែលត្រូវបានចាប់ខ្លួនដោយក្រុមហាម៉ាស់ ជាក្រុមអ៊ីស្លាមនិយមប៉ាឡេស្ទីនគ្រប់គ្រងនៅតំបន់ហ្កាហ្សា ឬការផ្អាកការប្រយុទ្ធដែលត្រូវបានរៀបចំដើម្បីបន្ធូបន្ថយវិបត្តិមនុស្សធម៌នៅក្នុងតំបន់ហ៊ុមព័ទ្ធ ខណៈកំពុងខ្វះអាហារ ទឹក ប្រេងឥន្ធនៈ និងខ្វះថ្នាំពេទ្យ។