រដ្ឋមន្ត្រីការបរទេសអាមេរិក លោក អង់តូនី ប្ល៊ីនខិន (Antony Blinken) បាននិយាយថា បណ្តាប្រទេសអន្តរជាតិ អាចជួយគ្រប់គ្រងតំបន់ហ្កាហ្សា បន្ទាប់ពីអ៊ីស្រាអែល បានកម្ទេចក្រុមហាម៉ាស មុនពេលប្រគល់ការគ្រប់គ្រងទឹកដីទៅឲ្យអាជ្ញាធរប៉ាឡេស្ទីន។

លោកប៊្លីនខិន បានធ្វើការអធិប្បាយកាលពីថ្ងៃអង្គារ ខណៈដែលអ៊ីស្រាអែល បានបន្តទម្លាក់គ្រាប់បែកលើតំបន់ហ្កាហ្សាស្ទ្រីបដែលគ្រប់គ្រងដោយក្រុមហាម៉ាស ក្នុងការសងសឹកចំពោះការវាយលុកកាលពីថ្ងៃទី៧ ខែតុលា របស់ក្រុមភេរវកម្មនេះ។

លោកបានថ្លែងប្រាប់អង្គសវនាការព្រឹទ្ធសភាថា លោក បានគាំទ្រដល់គោលដៅរបស់អ៊ីស្រាអែល ក្នុងការបំផ្លាញក្រុមហាម៉ាស ដែលបានគ្រប់គ្រងទឹកដី តាំងពីឆ្នាំ២០០៧ ប៉ុន្តែបានច្រានចោលតំបន់ហ្កាហ្សាដែលស្ថិតនៅក្រោមការគ្រប់គ្រងរបស់អ៊ីស្រាអែល នាពេលអនាគត។

លោកប្ល៊ីនខិន បាននិយាយថា៖«នៅចំណុចខ្លះ អ្វីដែលមានន័យបំផុត គឺសម្រាប់អាជ្ញាធរប៉ាឡេស្ទីន ត្រូវ ស្តារអភិបាលកិច្ចឡើងវិញ និងធ្វើឲ្យមានប្រសិទ្ធភាព និងការទទួលខុសត្រូវផ្នែកសន្តិសុខសម្រាប់តំបន់ហ្កាហ្សា។