ក្រុមមន្ត្រី បាននិយាយថា ការវាយប្រហារដោយយានដ្រូនរបស់រុស្សីនៅពេលយប់ បានវាយប្រហារ និងដុតបំផ្លាញរោងចក្រចម្រាញ់ប្រេង Kremenchuk នៅកណ្តាលអ៊ុយក្រែន នៅថ្ងៃពុធនេះ និងបានធ្លាក់នូវ         កម្ទេចកម្ទីពីយានដ្រូនដែលត្រូវបានបាញ់ទម្លាក់ បានបណ្តាលឲ្យខូចខ្សែថាមពលនៅតាមផ្លូវដែក នៅក្នុងតំបន់ក្បែរនោះ។

លោក Filip Pronin ប្រធានរដ្ឋបាលយោធាក្នុងតំបន់ Poltava បាននិយាយថា ភ្លើងឆេះនៅរោងចក្រចម្រាញ់ប្រេងដែលទីក្រុងម៉ូស្គូ បានកំណត់គោលដៅជាច្រើនដងក្នុងអំឡុងសង្រ្គាម ហើយទីក្រុងគីវ និយាយថា មិនដំណើរការនោះ ត្រូវបានពន្លត់យ៉ាងឆាប់រហ័ស។ ទំហំនៃការខូចខាត មិនទាន់ដឹងច្បាស់ទេ។

កងទ័ពអាកាស បាននិយាយថា ប្រព័ន្ធការពារដែនអាកាស បានបាញ់ទម្លាក់យានដ្រូនចំនួន ១៨ គ្រឿងក្នុងចំណោម ២០ គ្រឿង និងមីស៊ីលដែលបាញ់ដោយរុស្ស៊ីនៅពេលយប់ មុនពេលពួកវាទៅដល់គោលដៅក្នុងការវាយប្រហារមួយ ដែលព្យាយាមវាយប្រហារលើហេដ្ឋារចនាសម្ព័ន្ធយោធា និងសំខាន់ៗ។

អ្នកនាំពាក្យកងទ័ពអាកាសលោក Yuriy Ihnat បាននិយាយតាមទូរទស្សន៍ជាតិថា៖«ការផ្តោតសំខាន់នៃការវាយប្រហារ គឺតំបន់Poltava ដោយវាត្រូវបានវាយប្រហារជាច្រើនលើកមកហើយ»។