ពលរដ្ឋហ្ស៊កដានីម្នាក់ដែលបានជាប់ក្នុងតំបនហ្កាហ្សារយៈពេលជិត១ខែ បានរងចាំយ៉ាងអន្ទះសារនៅឯច្រកឆ្លងកាត់ព្រំដែនរ៉ាហ្វានៅថ្ងៃពុធនេះ ក្នុងក្ដីសង្ឃឹមថានឹងឆាប់បានជម្លៀសខ្លួនចេញ។

លោកម៉ាណា ហ្វារ៉ា ដែលបាត់បង់សមាជិក៧៦នាក់នៃគ្រួសារដែលមានសមាជិកច្រើនរស់នៅក្នុងតំបន់ហ្កាហ្សា បាននិយាយថា លោកមកកាន់ច្រកឆ្លងព្រំដែននេះ៥លើកផ្សេងៗគ្នា ប៉ុន្ដែមិនបានសម្រេច។

លោកនិយាយថា លោកមានសង្ឃឹម និងភាពស្មោះត្រង់ជាមួយព្រះដែលផ្អែកលើអ្វីដែលលោកត្រូវបានគេប្រាប់ឲ្យជម្លៀសខ្លួនចេញ ប៉ុន្ដែក្ដីសង្ឃឹមនេះគឺតិចតួចណាស់។

លោកហ្វារ៉ា ដែលបានក្លាយជាអ្នជាប់ខ្លួនតាំងពីការវាយប្រហាររបស់ក្រុមហាម៉ាសកាលពីថ្ងៃទី៧តុលាទៅលើប្រទេសអ៊ីស្រាអែល ហើយនិងការបន្ដការវាយប្រហារតាមអាកាសយ៉ាងសាហាវទៅលើតំបន់ហ៊ុមព័ទ្ធនោះ បាននិយាយថា កាលពីខែមុនវាជារឿងដែលមិនអាចរៀបរាប់បាន។

ប្រភពមួយពីសន្ដិសុខអេហ្ស៊ីប បាននិយាយថា អ្នកកាន់លិខិតឆ្លងដែនបរទេសប្រមាណ៥០០នាក់ នឹងត្រូវឆ្លងកាត់ព្រំដែនរ៉ាហ្វា(Rafah)ចេញពីតំបន់ហ្កាហ្សាទៅប្រទេសអេហ្ស៊ីបនៅថ្ងៃពុធនេះ បន្ទាប់ពីមាកិច្ចព្រមព្រៀងមួយត្រូវបានធ្វើឡើងដើម្បីបើកច្រកឆ្លងកាត់នោះ។

តាមប្រភពដដែល បាននិយាយថា មនុស្សប្រមាណជា២០០នាក់ បានរង់ចាំនៅឯព្រំដែនខាង

ប៉ាឡេស្ទីន។