សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ថ្លែងបញ្ជាក់ថា ប្រទេសជាតិ​ប្រៀប​ដូចភោជនីយដ្ឋាន ឬ ហាងមួយដែរ ដើម្បីជោគជ័យ ត្រូវមានអតិថិជនច្រើន មាន​ចំណូលច្រើន និងពង្រីកសាខាទៅកាន់តំបន់ផ្សេងៗ ដើម្បីជោគជ័យទាំង នេះ គឺ​ត្រូវ​មាន​សុខ​សុវត្ថិភាព មានផាសុខភាព ការធ្វើដំណើរងាយស្រួល បរិស្ថានរស់នៅ និងការបំពេញការងារស្រួល ព្រម​ទាំងពលរដ្ឋមានភាពរួសរាយរាក់ទាក់ មានសុខភាពល្អ មានជំនាញវិជ្ជាជីវៈ មានសមត្ថភាព​គ្រប់​គ្រាន់​បំពេញគ្រប់តម្រូវការ។

សម្ដេចធិបតីនាយករដ្ឋមន្ត្រីថ្លែងបែបនេះនៅក្នុងឱកាសសម្ដេចអញ្ជើញ​ចុះជួប​សំណេះសំណាល​ជា​មួយ​បង​ប្អូ​ន​កម្មករនិយោជិតចំនួន ១៨ ១៩០នាក់ នៅតាមបណ្តារោងចក្រ សហគ្រាស ដែល​មាន​មូលដ្ឋាន​ក្នុង​ស្រុកកណ្តាលស្ទឹង និងក្រុងតាខ្មៅ ខេត្តកណ្តាល នាព្រឹកថ្ងៃទី០២ ខែវិច្ឆិកា ឆ្នាំ២០២៣នេះ។