ប្រតិបត្តិកររោងចក្រនុយក្លេអ៊ែរ Fukushima Daiichi បានចាប់ផ្តើមជុំទី៣របស់ខ្លួននៃការបញ្ចេញទឹក ដែលបានពង្រាយនិងធ្វើប្រព្រឹត្តិកម្មរួចចូលទៅក្នុងមហាសមុទ្រពីរោងចក្រដែលមិនដំណើរការ។ ក្រុមហ៊ុនថាមពលអគ្គិសនីទីក្រុងតូក្យូ បានចាប់ផ្តើមបញ្ចេញទឹក នៅម៉ោងប្រហែល១០:២០នាទីព្រឹក ថ្ងៃព្រហស្បតិ៍នេះម៉ោងក្នុងតំបន់។ រោងចក្រនុយក្លេអ៊ែរ នៅប្រទេសប្រទេសជប៉ុនភាគឦសានបានទទួលរងការបំផ្លាញ៣ដងក្នុងការរញ្ចួយដីនិងរលកយក្យស៊ូណាមិ នៅក្នុងឆ្នាំ២០១១។

មុនការបញ្ចេញទឹកធ្វើប្រព្រឹត្តិកម្មរួចចូលទៅក្នុងសមុទ្រ ក្រុមហ៊ុន TEPCO បានពង្រាវទឹកដើម្បីកាត់បន្ថយសារធាតុទ្រីចូម ដល់ប្រហែល១ភាគ៧ នៃកម្រិតណែនាំ ដែលកំណត់ដោយអង្គការសុខភាពពិភពលោក សម្រាប់គុណភាពទឹកទទួលទាន។

ក្រុមហ៊ុន TEPCO បានរៀបចំសម្រាប់ការបញ្ចេញទឹកលើកទី៣ចាប់តាំងពីថ្ងៃអង្គារ រួមមានទឹកដែលបានពង្រាវនិងធ្វើប្រព្រឹត្តិកម្មរួច ដែលបានបន្ថែមទឹកសមុទ្រ និងការពិនិត្យកម្រិតវិទ្យសកម្ម។

ក្រុមហ៊ុន TEPCO និយាយថាក្រុមហ៊ុន មានផែនការដើម្បីបញ្ចេញទឹកធ្វើប្រព្រឹត្តិកម្មរួចចំនួនប្រមាណ៧.៨០០តោន ដែលស្មើទៅនឹងសមត្ថភាពអាងស្តុកចំនួន១០អាងនៅរោងចក្រ រហូតដល់ពាក់កណ្តាលខែវិច្ឆិកា។ នេះគឺជាចំនួនដូចគ្នានៃទឺកដែលបានបញ្ចេញ កាលពី ២ជុំមុន។

ជុំទី១ នៃការបញ្ចេញទឹក ធ្វើឡើងពីថ្ងៃទី២៤ ខែសីហា រហូតដល់ថ្ងៃទី១១ ខែកញ្ញា ហើយជុំទី២ ធ្វើឡើងពីថ្ងៃទី៥ រហូតដល់ថ្ងៃទី២៣ ខែតុលា។ ក្រុមហ៊ុនTEPCO មានផែនការបញ្ចេញទឹកសរុប ប្រមាណ ៣១.២០០តោន នៃទឹកធ្វើប្រព្រឹត្តិកម្មរួច ឬ៤០ អាង ធ្វើឡើង៤ជុំ នៅត្រឹមចុងខែមីនា។ ក្រុមហ៊ុនកំពុងអនុវត្តការវិភាគសំណាកទឹកប្រចាំថ្ងៃ យកចេញពីទីតាំងចំនួន១០កន្លែងនៅសមុទ្រ ក្នុងចម្ងាយ៣កីឡូម៉ែត្រពីរោងចក្រ។