រដ្ឋាភិបាលជប៉ុន នៅថ្ងៃព្រហស្បតិ៍ (ទី២ វិច្ឆិកា) បានរៀបចំកញ្ចប់ថិវិកានៃវិធានការ ដើម្បីទប់ទល់នឹងផលប៉ះពាល់សេដ្ឋកិច្ចពីអតិផរណា ដែលនឹងពាក់ព័ន្ធនឹងការចំណាយលើសពី ១៧សែនកោដិយ៉េន (១១៣ពាន់លានដុល្លារ) ជាវិធានការមួយ ដែលអាចធ្វើឲ្យមានសភាពកាន់តែអាក្រក់ឡើងៗដល់ហិរញ្ញវត្ថុរបស់ប្រទេស ដែលជួបនឹងបញ្ហារួចហើយនោះ។

យោងតាមផែនការដែលបានអនុម័តដោយគណៈរដ្ឋមន្ត្រី បានបង្ហាញថា ដើម្បីផ្តល់មូលនិធិមួយផ្នែកដល់ការចំណាយ រដ្ឋាភិបាលនឹងរៀបចំនូវកញ្ចប់ថវិកាបន្ថែម សម្រាប់ឆ្នាំសារពើពន្ធបច្ចុប្បន្នចំនួន ១៣,១សែនកោដិយ៉េន។ ដោយរួមបញ្ចូលទាំងការចំណាយដោយរដ្ឋបាលនៅមូលដ្ឋាន និងប្រាក់កម្ចីដែលគាំទ្រដោយរដ្ឋ ទំហំនៃកញ្ចប់ថវិកានេះ នឹងមានចំនួនសរុប ២១,៨សែនកោដិយ៉េន (១៤៥ពាន់លានដុល្លារ)។

អតិផរណាដែលជំរុញដោយការកើនឡើងនៃការចំណាយលើវត្ថុធាតុដើម បានបន្តឡើងលើសពីគោលដៅរបស់ធនាគារកណ្តាលចំនួន ២ភាគរយ រយៈពេលជាង ១ឆ្នាំ ដោយជះឥទ្ធិពលដល់ការប្រើប្រាស់ និងប៉ះពាល់ដល់ទស្សនវិស័យ ចំពោះសេដ្ឋកិច្ច ដែលធ្វើឲ្យមានការយឺតយ៉ាវនៃការងើបឡើងវិញពីការធ្លាក់ចុះ ដែលបន្សល់ទុកដោយជំងឺរាតត្បារតកូវីដ-១៩។

ការកើនឡើងតម្លៃនៃការរស់នៅ ត្រូវបានចាត់ទុកថា ជាចំណែកអវិជ្ជមានមួយផ្នែក ក្នុងការធ្វើឲ្យធ្លាក់ចុះនូវការវាយតម្លៃរបស់លោក Kishida ដែលទទួលបានការយល់ស្រប ដោយបានដាក់សម្ពាធឲ្យនាយករដ្ឋមន្ត្រីដាក់ចេញនូវវិធានការ ដើម្បីជួយបន្ធូរបន្ថយទុក្ខលំបាករបស់គ្រួសារពលរដ្ឋជប៉ុនទាំងអស់៕