មនុស្សរាប់ពាន់នាក់បានសម្រុកទៅកាន់ព្រំដែនប្រទេសប៉ាគីស្ថាន ដើម្បីឆ្លងកាត់ចូលទៅកាន់ប្រទេសអាហ្វហ្គានីស្ថាន កាលពីថ្ងៃព្រហសកបតិ៍ មួយថ្ងៃបន្ទាប់ពីការបរិច្ឆេទផុតកំណត់របស់រដ្ឋាភិបាល ដែលបានអនុម័តឲ្យជនបរទេសគ្មានឯកសារចាកចេញ បើមិនដូច្នេះទេ ប្រឈមការបណ្តេញចេញ។
ជនភៀសខ្លួនអាហ្វហ្គានីស្ថានអាយុ៤០ឆ្នាំ ម្នាក់ និយាយថាយើងមិនចង់ទៅកាន់ប្រទេសអាហ្វហ្គានីស្ថាននោះទេ ប៉ុន្តែអ្នកទាំងនោះមិនអនុញ្ញាតឲ្យយើងស្នាក់នៅឡើយ។ ក្រុមគ្រួសាររបស់យើងរស់នៅទីនេះរយៈពេល៥០ឆ្នាំមកហើយ ប៉ុន្តែពួកគេមិនអនុញ្ញាតឲ្យស្នាក់នៅនោះទេ។ អាជ្ញាធរប្រទេសប៉ាគីស្ថាន បានចាប់ផ្តើមប្រមូលជនបរទេសគ្មានឯកសារ ប៉ុន្មានម៉ោងមុនកាលបរិច្ឆេទផុតកំណត់។
ពលរដ្ឋអាហ្វហ្គានីស្ថាន ជាងមួយលាននាក់ ត្រូវចាកចេញបើមិនដូច្នេះទេ ប្រឈមមុខការចាប់ខ្លួន ឬបណ្តេញចេញដោយបង្ខំ ជាលទ្ធផលនៃពេលវេលាចុងក្រោយដែលរដ្ឋាភិបាលប៉ាគីស្ថានបានផ្តល់ឲ្យកាលពីមួយខែកន្លងទៅនេះ។
រដ្ឋាភិបាល មិនអើពើចំពោះការអំពាវនាវពីសំណាក់អង្គការសហប្រជាជាតិ ក្រុមសិទ្ធមនុស្ស និងស្ថានទូតប្រទេសលោកខាងលិច ឲ្យពិចារណាឡើងវិញចំពោះផែនការបណ្តេញចេញរបស់ប៉ាគីស្ថាន។ ប្រទេសនេះនិយាយថាពលរដ្ឋអាហ្វហ្គានីស្ថានមានជាប់ពាក់ព័ន្ធក្នុងការវាយប្រហាររបស់ក្រុមសកម្មប្រយុទ្ធអ៊ីស្លាមនិយម និងឧក្រិដ្ឋកម្ម ដែលធ្វើឲ្យអន្តរាយដល់សន្តិសុខរបស់ប្រទេស។ ស្ថានភាពនៅចំណុចព្រំដែននៅពេលនេះ គឺមានមនុស្សច្រើនលើសលប់ខ្លាំង។
លោក Becky Roby អ្នកគ្រប់គ្រងផ្នែកគាំទ្រសម្រាប់ក្រុមប្រឹក្សាជនភៀសខ្លួនប្រទេសន័រវ៉េស បាននិយាយថាយើងកំពុងមើលឃើញកន្លែងណាមួយក៏មាន មនុស្ស៩ពាន់ ទៅ១ម៉ឺននាក់ រវាងចំណុចច្រកព្រំដែនឆ្លងកាត់ជាមូលដ្ឋានរាល់ថ្ងៃ។
នៅពេលពួកគេបានទៅដល់ចំណុចព្រំដែន ជាធម្មតាពួកគេត្រូវធ្វើដំណើរជាច្រើនថ្ងៃ ពួកគេត្រូវដេកនៅទីចំហ ហើយក្នុងរឿងរ៉ាវជាច្រើន ពួកគេត្រូវលក់របស់របរផ្ទាល់ខ្លួន ដើម្បីចំណាយប្រាក់សម្រាប់ការដឹកជញ្ជូន ដែលពួកគេត្រូវចាកចេញក្នុងកាលៈទេសៈប្រញាប់ប្រញាល់។ ក្នុងចំណោមពលរដ្ឋអាហ្វហ្គានីស្ថានជាង៤លាននាក់ រស់នៅក្នុងប្រទេសប៉ាគីស្ថាន រដ្ឋាភិបាលបានប៉ាន់ប្រមាណថា១,៧លានាក់រស់នៅគ្មានឯកសារ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
