មហាសន្និបាតអង្គការសហប្រជាជាតិ បានអំពាវនាវជាលើកទី៣១ លើសហរដ្ឋអាមេរិកឲ្យបញ្ចប់ការហ៊ុមព័ទ្ធពាណិជ្ជកម្មរយៈពេលជាច្រើនទស្សវត្សរបស់ខ្លួនប្រឆាំងនឹងគុយបា ខណៈដែលកោះដែលគ្រប់គ្រងដោយកុម្មុយនីស្តមួយនេះ ទទួលរងនូវវិបត្តិសេដ្ឋកិច្ចដ៏អាក្រក់បំផុត ក្នុងរយៈពេលជាច្រើនទសវត្សរ៍ ដោយមានការខ្វះខាតស្បៀងអាហារ ប្រេងឥន្ធនៈ និងថ្នាំពេទ្យ។

ដំណោះស្រាយដែលមិនជាប់កាតព្វកិច្ច ត្រូវបានអនុម័តដោយប្រទេសចំនួន១៨៧ និងប្រឆាំងតែដោយសហរដ្ឋអាមេរិក និងអ៊ីស្រាអែល ប៉ុណ្ណោះ ដោយប្រទេសអ៊ុយក្រែន បានអនុប្បវាទ។

រដ្ឋមន្ត្រីការបរទេសគុយបាលោក Bruno Rodriguez បាននិយាយនៅក្នុងសុន្ទរកថាមួយនៅចំពោះមុខសភាថា៖«ការបិទផ្លូវនេះ រារាំងគុយបាពីការទទួលបានអាហារ ថ្នាំពេទ្យ និងឧបករណ៍បច្ចេកវិទ្យា និងវេជ្ជសាស្ត្រ» ។

លោក Rodriguez បាននិយាយថា ឡាហាវ៉ាន ក៏ត្រូវបានហាមឃាត់មិនឲ្យនាំចេញទៅកាន់សហរដ្ឋអាមេរិក ដែលនៅជិតខាង ដោយកាត់បន្ថយការចូលទៅកាន់ទីផ្សារដ៏ធំសម្រាប់ទំនិញរបស់ខ្លួន និងធ្វើឲ្យ

ប្រទេសគុយបាខាតបង់ជិត ៥ពាន់លានដុល្លារក្នុងឆ្នាំ ២០២២។