យន្តហោះដឹកប្រមុខការទូតរបស់សហរដ្ឋអាមេរិកលោក Antony Blinken បានចុះចតនៅទីក្រុង Tel Aviv នាថ្ងៃសុក្រ (ទី៣ ខែវិច្ឆិកា) នេះ ដែលការធ្វើដំណើរទៅរបស់រដ្ឋមន្ត្រីការបរទេសរូបនេះ គឺក្នុងគោលបំណងជំរុញឲ្យមានការប្រយុទ្ធ ដើម្បីបុព្វហេតុមនុស្សធម៌ ក្នុងសង្រ្គាម នៅតំបន់ហ្គាស្សា ខណៈដែលប្រទេសអ៊ីស្រាអែល បាននិយាយថា ខ្លួនបានឡោមព័ទ្ធទីក្រុងដ៏ធំបំផុតនៃតំបន់ហ៊ុមព័ទ្ធប៉ាឡេស្ទីន និងនិយាយពីការផ្តោតជាសំខាន់នៃយុទ្ធនាការរបស់ខ្លួន ក្នុងការកម្ចាត់ក្រុមហាម៉ាស។

បន្ទាប់មក លោក Blinken ក្នុងដំណើរទស្សនកិច្ចជាលើកទី២ របស់លោកទៅកាន់ប្រទេសអ៊ីស្រាអែល ក្នុងរយៈពេលមួយខែនេះ បានជួបពិភាក្សាជាមួយនាយករដ្ឋមន្ត្រីអ៊ីស្រាអែល លោក Benjamin Netanyahu ដើម្បីកាត់បន្ថយគ្រោះថ្នាក់ដល់ជនស៊ីវិល នៅតំបន់តំបន់ហ្គាហ្សា ដែលត្រូវបានឡោមព័ទ្ធ ពោលគឺជាកន្លែង ដែលខ្វះខាតស្បៀងអាហារ ប្រេង ទឹក និងថ្នាំពេទ្យ។

ទន្ទឹមនឹងនេះដែរ សេតវិមានបានឲ្យដឹងថា ការផ្អាកប្រយុទ្ធណាមួយ គួរតែត្រូវធ្វើឡើងជាបណ្តោះអាសន្ន និងកំណត់ឲ្យបានច្បាស់លាស់ ហើយបានទទូចថា សហរដ្ឋអាមេរិក នឹងមិនរារាំងអ៊ីស្រាអែល ដែលធ្វើសង្គ្រាមការពារខ្លួននោះទេ។ ជាមួយគ្នានេះ លោក Blinken ក៏គ្រោងនឹងជួបផងដែរជាមួយរដ្ឋមន្ត្រីការបរទេសហ្ស៊កដានី លោក Ayman Safadi នៅទីក្រុង Amman នាថ្ងៃសៅរ៍ (ទី៤ ខែវិច្ឆិកា)៕