ការិយាល័យមនុស្សធម៌របស់អង្គការសហប្រជាជាតិ បាននិយាយនៅថ្ងៃសុក្រនេះថា ការចំណាយសម្រាប់ការបំពេញតម្រូវការរបស់ប្រជាជននៅតំបន់ហ្កាហ្សា និងតំបន់វេសបែង ត្រូវបានគេប៉ាន់ប្រមាណថា មានចំនួន ១,២ ពាន់លានដុល្លារ។

លោក Jens Laerke អ្នកនាំពាក្យការិយាល័យអង្គការសហប្រជាជាតិសម្រាប់ការសម្របសម្រួលនៃកិច្ចការមនុស្សធម៌ (OCHA) បាននិយាយថា៖«ការចំណាយក្នុងការបំពេញតម្រូវការរបស់មនុស្ស ២,៧ លាននាក់ ដែលជាចំនួនប្រជាជនទាំងមូលនៃតំបន់ហ្កាហ្សា និង ៥០០.000 នាក់នៅតំបន់វេសបែង ដែលគ្រប់គ្រងដោយអ៊ីស្រាអែលនោះ ត្រូវបានគេប៉ាន់ស្មានថា មានចំនួន ១,២ ពាន់លានដុល្លារ»។

ចំនួនទឹកប្រាក់សរុបនេះ ត្រូវចំណាយលើតម្រូវការមនុស្សធម៌ នៅក្នុងតំបន់ហ្កាហ្សា និងផ្នែកខ្លះនៃតំបន់វេសបែង រហូតដល់ដំណាច់ឆ្នាំនេះ។

នៅថ្ងៃទី១២ ខែតុលា OCHA បានអំពាវនាវដំបូងសុំមូលនិធិ ២៩៤លាន ដុល្លារ ដើម្បីគាំទ្រប្រជាជនជិត ១,៣ លាននាក់។ លោក Laerke បានបន្ថែមថា៖ «ស្ថានការណ៍នេះ បានធ្វើឲ្យភាពអស់សង្ឃឹមកាន់តែកើនឡើង ចាប់តាំងពីពេលនោះមក។