នេប៉ាល់ ៖ អាជ្ញាធរប្រទេសនេប៉ាល់ បានប្រាប់សារព័ត៌មាន NHK ថា យ៉ាងហោចណាស់មនុស្ស ១២៨ នាក់ បានស្លាប់ និងជាង ១០០នាក់ បានរងរបួសនៅក្នុងការរញ្ជួយដីដ៏ខ្លាំងនៅភាគពាយព្យប្រទេស។

ការិយាល័យការស្ទង់ភូមិសាស្ត្រសហរដ្ឋអាមេរិក និយាយថា ការរញ្ជួយដីមានកម្រិតប៉ាន់ស្មាន ៥,៦ រិចទ័រ ហើយបានកើតឡើង នៅម៉ោង ១១ និង ៤៧ នាទីយប់ម៉ោងក្នុងតំបន់ កាលពីថ្ងៃសុក្រ ក្នុងជម្រៅប្រហែល ១៨ គីឡូម៉ែត្រ។

អាជ្ញាធរប្រទេសនេប៉ាល់ សន្និដ្ឋានថា ការរញ្ជួយដីមានកម្រិត ៦,៤រ៉ិចទ័រ។ ពួកគេនិយាយថា ចំណុចកណ្តាលរបស់វាស្ថិតនៅក្នុងស្រុក Jajarkot ចម្ងាយប្រហែល ៣០០ គីឡូម៉ែត្រភាគពាយព្យរដ្ឋធានី Kathmandu ។

មានសេចក្តីរាយការណ៍ថា បំណាក់ដី កំពុងរារាំងដល់ប្រតិបត្តិការជួយសង្គ្រោះនៅក្នុងតំបន់ដែលរងគ្រោះខ្លាំងបំផុត ហើយព័ត៌មានលម្អិតនៃការខូចខាតនៅមិនទាន់ដឹងនៅឡើយ។