រដ្ឋមន្រ្ដីក្រសួងយុត្ដិធម៌លោក ឆាល រ៉ៃ(Charles Wright)បាននិយាយតាមវិទ្យុថា អតីតមេ​ដឹកនាំ​យោធា​ហ្គីណេឆ្នាំ២០០៨ លោកមូសសា ដាឌីស កាម៉ារ៉ា(Moussa Dadis Camara) ត្រូវ​បាន​គេ​នាំ​ខ្លួន​ចេញពីពន្ធនាគារយ៉ាងឆាប់ក្នុងរដ្ឋធានី កូណាគ្រី​(Conakry)​កាល​ពី​ថ្ងៃ​សៅរ៍​ទី៤​វិច្ឆិកា​រួម​ជាមួយ​មន្រ្ដី​ជាន់ខ្ពស់៣រូបទៀត។

នៅថ្ងៃទី២៣ធ្នូ ឆ្នាំ២០០៨ ដោយសារតែប្រធានាធិបតី ឡានសាណា កូនតេ(Lansana Conte’s) ទទួលមរណភាព លោកកាម៉ារ៉ា បានដឹកនាំទាហាន១ក្រុមធ្វើរដ្ឋប្រហារ និង​បាន​ប្រកាស​ខ្លួនឯងថាជាមេដឹកាយោធាស្របច្បាប់។

ហេតុការណ៍ដែលបានកត់សម្គាល់បំផុតនៅក្នុងអំឡុងពេលការដឹកនាំរបស់លោក គឺ​នៅ​ថ្ងៃ​ទី​២៨​​ខែកញ្ញា ឆ្នាំ២០០៩ មានការសម្លាប់រង្គាល ដែលកាលនោះកម្លាំងសន្ដិសុខ បានបាញ់​ទៅ​លើ​អ្នក​តវ៉ា​ដោយ​ស្ងប់ស្ងាត់នៅឯពហុកីឡដ្ឋានជាតិ ក្នុងរដ្ឋធានី កូណាគ្រី (Conakry) ជា​លទ្ធផល​បណ្ដាល​អោយ​មនុស្សជាង១៥០នាក់ស្លាប់ និងមួយចំនួនទៀតបានរងរបួស។

នៅខែមករា ឆ្នាំ២០១០ ដោយសារតែមានការដាក់សម្ពាធយ៉ាងខ្លាំងពីអន្ដរជាតិ លោកកាម៉ារ៉ា បាន​និរទេសខ្លួនដោយស្ម័គចិត្ដនៅក្នុងប្រទេសបួគីណា ហ្វាសូ (Burkina Faso) ជាទី​ដែល​លោក​បាន​ស្ថិត នៅរហូតដល់ខែកញ្ញាឆ្នាំ២០២២ ជាពេល​ដែល​លោក​ត្រូវ​វិល​ត្រឡប់​ទៅ​ប្រទេស​ហ្គីណេ វិញដើម្បីចូលខ្លួន កាត់ទោសពីបទឧក្រិដ្ឋប្រឆាំងនឹងមនុស្សជាតិ ចាប់ពីការ​សម្លាប់​រង្គាល​ឆ្នាំ​២០០៩ និងការរំលោភបំពានដ៏ធំដែល ធ្វើឡើងដោយកម្លាំងសន្ដិសុខ ហ្គីណេ៕ អត្ថបទ៖ មករា