យោធាអ៊ីស្រាអែល កាលពីថ្ងៃសៅរ៍ បានផ្សព្វផ្សាយ​វីដេអូ​ដែល​ខ្លួន​និយាយ​បង្ហាញ​ពី​កម្លាំង​វិស្វកម្ម​ប្រយុទ្ធ កំពុងបង្កើតឲ្យមានផ្លូវចូលសម្រាប់យោធា ដោយបំផ្ទុះរូងក្រោមដី និងសម្អាត​កន្លែងមា​ន​គ្រឿង​ផ្ទុះ​ដែល​ត្រូវបានរកឃើញក្នុងតំបន់ហ្កហ្សា។

កងទ័ពថ្មើរជើងអ៊ីស្រាអែលវបានឡោមព័ទ្ធក្រុងហ្កាហ្សា (Gaza City) កាលពីថ្ងៃព្រហស្បតិ៍​បន្ទាប់​ពី​បាន​បង្កើនយុទ្ធនាការទម្លាក់គ្រាប់បែក ដែលខ្លួននិយាយថា មានគោល​បំណង​បោស​សម្អាត​ក្រុម​ហាម៉ាស់ឲ្យអស់ បន្ទាប់ពីក្រុមសកម្មប្រយុទ្ធនេះ បានសម្លាប់មនុស្សអស់១.៤០០នាក់ និង​បានចាប់មនុស្សជាង ២៤០នាក់ ធ្វើជាចំណាប់ថ្នូរកាលពីថ្ងៃទី៧តុលា នៅក្នុង​ការ​វាយ​ប្រហារ​មួយ​នៅ​ភាគខាងត្បូងប្រទេសអ៊ីស្រាអែល។

ក្រុមមន្រ្ដីសុខាភិបាលតំបន់ហ្កាហ្សា បាននិយាយ កាលពីថ្ងៃសៅរ៍ថា ជនជាតិប៉ាឡេស្ទីនជាង ៩.៤៨៨​នាក់ ត្រូវបានសម្លាប់ហូតមកទល់ពេលនេះ ដោយការវាយប្រហាររបស់អ៊ីស្រាអែល។

កាល​ពី​ខែមុន អ៊ីស្រាអែល បានបញ្ជារ​ឲ្យជន​ស៊ីវិល​ទាំង​អស់​ចាក​ចេញ​ពី​ភាគ​ខាង​ជើង​តំបន់​ហ្កាហ្សា ក្នុងនោះរួមមានក្រុងហ្កា ជាទីដែលខ្លួននិយាយថា ក្រុមហាម៉ាស កំពុងលាក់ខ្លួន ក្នុង​រូង​ក្រោម​ដី និងឆ្ពោះទៅភាគខាងត្បូងនៃតំបន់ហ៊ុមព័ទ្ធនេះទៀតផង៕ អត្ថបទ៖ មករា