តាកែវ៖ ក្រុមយុវជនសង្គមស៊ីវិល អាជ្ញាធរមូលដ្ឋាន និងលោកគ្រូអ្នកគ្រូ សិស្សានុសិស្ស រួមគ្នា​បង្កើត​កម្មវិធីការអប់រំ និងបរិស្ថាន លើកទី៦ នាព្រឹកថ្ងៃ ទី ៥ ខែវិច្ឆិកា ឆ្នាំ២០២៣ នេះ ស្ថិត​ក្នុង​ភូមិ​ស្រែនាង ឃុំស្រែរនោង ស្រុកត្រាំកក់ ខេត្តតាកែវ។

កម្មវិធីនេះ សមាគមយុវជនខ្មែរមហានគរ នៃបណ្តុំអង្ការសង្គមស៊ីវិល ដឹកនាំដោយ លោក ហេង សំណាង និងលោក ម៉ៅ ស៊ីថា លោកនាយក សៀន ឆេង រួមអាជ្ញាធរមូលដ្ឋាន និងលោកគ្រូអ្នកគ្រូ បាន​​នាំយកសម្ភារៈសិក្សាចែកជូនសិស្សានុសិស្ស ចំនួន ១០០ នាក់។ 

ក្នុង​នោះដែរក៏មានកមវិ្មធី ការដាំកូនឈើក្នុងបរិវេណសាលារៀន នៅសាលាបឋម​សិក្សា​ស្រែឈើ​នាង ស្ថិតក្នុងភូមិស្រែនាង ឃុំស្រែរនោង ស្រុកត្រាំកក់។

លោក ហេង សំណាង ថ្លែងថា កម្មវិធីការចែករំលែក ក្តីស្រឡាញ់ និងស្នាមញញ្ញឹម ក្រោម​ប្រធាន​បទ ​ការអប់រំ និងបរិស្ថាន គឺស្របតាមយុទ្ធសាស្ត្របញ្ចកោណដំណាក់កាលទី១ របស់​រាជ​រដ្ឋាភិបាល នីតិកាលទី៧ នេះ។ ពិសេសគោលនោបាយរបស់ក្រសួងអប់រំ យុវជននិងកីឡា និង​ក្រសួង​រិស្ថាន ស្តីអំពីការកាត់បថ្ថយប្រើប្រាស់ថង់ប្លាស្ទិក និងដាំកូនឈើ១លានដើមក្នុងមួយឆ្នាំ ដើម្បី​ប្រព័ន្ធអេកូឡូស៊ី និងធនធានធម្មជាតិប្រទេសកម្ពុជា។ 

ជាចុងក្រោយ​ថ្នាក់ដឹកនាំយុវជនសង្គមស៊ីវិល និងលោកគ្រូអ្នកគ្រូ បាន ផ្តាំផ្ញើរដល់អ្នក​អាណាព្យាបាល​សិស្ស ទាំងអស់ឲ្យបន្តជួយណែរនាំដល់ សិស្សានុសិស្ស ធ្វើយ៉ាងណា ឲ្យកូនៗ​បន្ត​ការ​សិក្សា និងបង្រៀនបថ្ថែមពេលនៅផ្ទះ ដើម្បីក្លាយជាសិស្សគំរូ និងមានអនាគតល្អ សម្រាប់​ចូលរួម​អភិវឌ្ឍប្រទេសជាតិ៕