តាមការចុះផ្សាយរបស់ទីភ្នាក់ងារសារព័ត៌មានរដ្ឋរុស្ស៊ីនៅថ្ងៃអាទិត្យ ៥ វិច្ឆិកា ដោយ​សំអាង​ដល់​ប្រភព​ពីក្រសួងការពារជាតិរុស្ស៊ីថា នាវាមុជទឹកដើរដោយថាមពលនុយក្លេអ៊ែរថ្មីរបស់រុស្ស៊ី Imperator Alexander III បានបាញ់សាកល្បងមីស៊ីលបាលីស្ទីកប៊ូឡាវ៉ា ( Bulava) ដោយ​ជោគ​ជ័យ ចេញពីសមុទ្រ ស (White Sea) ។ 

ទីភ្នាក់ងារទាំងនោះបានដកស្រង់សេចក្តីថ្លែងការណ៍របស់ក្រសួងថា ជាផ្នែកមួយ​នៃ​ដំណាក់​កាល​ចុង​ក្រោយ​ នៃកម្មវិធីសាកល្បងរដ្ឋ នាវាមុជទឹកបំពាក់​មីស៊ីល​យុទ្ធសាស្ត្រ​ថ្មី​ដើរ​ដោយ​ថាមពល​នុយក្លេអ៊ែរ Imperator Alexander III បានបាញ់ដោយជោគជ័យនូវមីស៊ីលអន្តរទ្វីប បាលីស្ទីក ប៊ូឡាវ៉ា (Bulava) ដែលមានមូលដ្ឋានលើសមុទ្រ ពីសមុទ្រស ។    

លោក ប្រធានាធិបតីរុស្ស៊ី Vladimir Putin កាលថ្ងៃព្រហស្បតិ៍ ២ វិច្ឆិកា បានចុះ​ហត្ថ​លេ​ខា​លើ​ច្បាប់​មួយ ដែលដកការផ្តល់សច្ចាប័នរបស់រុស្ស៊ី លើសន្ធិសញ្ញាពិភពលោក លើការហាម​ប្រាម​ការ​សាក​ល្បង​អាវុធនុយក្លេអ៊ែរ ជាជំហានមួយដែលត្រូវបានថ្កោលទោសដោយអង្គការនេះ ដែលជំរុញ​ឲ្យ​ប្រកាន់ខ្ជា​ប់នូវកិច្ចព្រមព្រៀងគ្រប់គ្រងការមិនរីកសាយអាវុធនុយក្លេអ៊ែរ៕