អុីស្រាអែល ៖ លោក Daniel Hagari អ្នកនាំពាក្យរបស់ IDF និង លោក Herzi Halevi នាយអគ្គសេនាធិការនៃកងកម្លាំងការពារអ៊ីស្រាអែលដែលត្រូវដកស្រង់សម្តីដោយសារព័តមាន The Times of Israel ដោយនិយាយថា កងកម្លាំងការពារអ៊ីស្រាអែល (IDF) បានរាយការណ៍ថា ពួកគេបានឡោមព័ទ្ធទីក្រុងហ្កាហ្សាទាំងស្រុង និងបែងចែកដែនដីតំបន់ឆ្នេរនេះជាពីរផ្នែក។

លោក Hagari បាននិយាយថា កងកម្លាំងការពារអ៊ីស្រាអែល បានឡោមព័ទ្ធទីក្រុងហ្កាហ្សាទាំងស្រុង ហើយបានបែងចែកតំបន់ហ្កាហ្សាស្ទ្រីជាពីរផ្នែក។

កងកម្លាំងអ៊ីស្រាអែលដឹកនាំដោយអង្គភាពឈ្លបយកការណ៍នៃកងពលតូច Holani «បានទៅដល់ឆ្នេរ   សមុទ្រហើយកំពុងកាន់កាប់តំបន់នេះ ។

លោក Hagari រាយការណ៍ថា៖«បច្ចុប្បន្ន មានតំបន់ហ្កាហ្សាភាគខាងជើង និងតំបន់ហ្កាហ្សាភាគខាង   ត្បូង។

លោក បានបញ្ជាក់ថា ដូចពីមុន កងកម្លាំងអ៊ីស្រាអែល នឹងអនុញ្ញាតឲ្យជនស៊ីវិលភៀសខ្លួនចេញពីភាគខាងជើងនៃតំបន់ហ្កាហ្សា និងឆ្ពោះទៅភាគខាងត្បូង។

ជាមួយគ្នានេះ លោកនាយអគ្គសេនាធិការដ្ឋាន Halevi បាននិយាយថា យោធាអ៊ីស្រាអែល «ត្រៀមខ្លួនគ្រប់ពេល ដើម្បីធ្វើសកម្មភាពនៅភាគខាងជើងនៃប្រទេស ចាប់តាំងពីអំឡុងពេលប៉ុន្មានសប្តាហ៍ចុងក្រោយនេះ ពួកគេបានការពារខ្លួនពីការវាយប្រហារដោយមីស៊ីលប្រចាំថ្ងៃពីក្រុមហេសបូឡាលីបង់»។