អ្នការទូតជាន់ខ្ពស់នៃក្រុមប្រទេស G7 នឹងចាប់ផ្តើមកិច្ចសន្ទនារយៈពេល២ថ្ងៃ នៅក្នុងទីក្រុងតូក្យូ ចាប់ពីថ្ងៃអង្គារ ជាការជួបប្រជុំគ្នាលើកដំបូងចាប់តាំងពីការវាយប្រហាររបស់ក្រុមហាម៉ាស់ ទៅលើប្រទេសអ៊ីស្រាអែល កាលពីថ្ងៃទី៧ ខែតុលា។ អ្នកចូលរួមត្រូវបានគេរំពឹងថានឹងផ្លាស់ប្តូរទស្សនៈគ្នា ស្តីពីជម្លោះនោះ ព្រមទាំងសកម្មភាពដែនសមុទ្រដែលកំពុងកើនឡើងរបស់ប្រទេសចិន។ 

ប្រទេសជប៉ុន នឹងធ្វើជាម្ចាស់ផ្ទះកិច្ចប្រជុំរដ្ឋមន្ត្រីការបរទេស G7 លើកទី២របស់ខ្លួន នៅឆ្នាំនេះ បន្ទាប់ពីលើកទី១ នៅក្នុងក្រុង Karuizawa ខេត្ត Nagano កាលពីខែមេសា។ ប្រទេសជប៉ុន ក៏បានធ្វើជាប្រធានកិច្ចប្រជុំកាលពីខែកញ្ញាក្នុងទីក្រុងញ៉ូវយ៉កផងដែរ។

បន្ទាប់ពីរដ្ឋមន្ត្រីការបរទេសជប៉ុន លោកស្រី Kamikawa Yoko បានធ្វើទស្សនកិច្ចនៅប្រទេសអ៊ីស្រាអែល និងតំបន់គ្រប់គ្រងដោយប៉ាឡេស្ទីនកាលពីសប្តាហ៍មុន លោកស្រី និយាយថា លោកស្រីមានបំណង ផ្លាស់ប្តូរទស្សនៈដោយស្មោះត្រង់នៅក្នុងកិច្ចប្រជុំ។ ប្រទេសជប៉ុន បានថ្កោលទោសការវាយប្រហាររបស់ក្រុមភេរវកម្ម ធ្វើឡើងដោយក្រុមហាម៉ាស់អ៊ីស្លាមនិយម។ ប្រទេសជប៉ុនក៏មានផែនការ បញ្ជូនការអំពាវរបស់ខ្លួនសម្រាប់ការផ្អាកការប្រយុទ្ធសម្រាប់ផ្នែកមនុស្សធម៌ ខណៈតំបន់ហ្កាហ្សាស្ថិតនៅលើមាត់ជ្រោះមហន្តរាយធ្ងន់ធ្ងរ។ 

ក្រុមរដ្ឋមន្ត្រី នឹងត្រូវបានគេមើលឃើញផ្លាស់ប្តូរទស្សនៈស្តីពីបញ្ហានានា រួមទាំងការឈ្លានពានរបស់រុស្ស៊ីលើអ៊ុយក្រែន សកម្មភាពកើនឡើងរបស់ប្រទេសចិននៅក្នុងតំបន់អាស៊ី-ប៉ាស៊ីហ្វិក និងការអភិវឌ្ឍន៍មីស៊ីលនិងនុយក្លេអ៊ែរ របស់ប្រទេសកូរ៉េខាងជើង។