លីបង់ ៖ បព្វជិតសាសនាគ្រិស្តកំពូលរបស់ប្រទេសលីបង់ បានជំរុញឲ្យក្រុមមន្ត្រីរដ្ឋកាលពីថ្ងៃចន្ទ ដើម្បីការពារប្រទេសលីបង់ពីសង្គ្រាមរវាងក្រុមឥស្លាមប៉ាឡេស្ទីនហាម៉ាស និងអ៊ីស្រាអែល ខណៈដែលក្រុមហេបូឡា របស់លីបង់ បានប៉ះទង្គិចជាមួយកងកម្លាំងអ៊ីស្រាអែល នៅតាមព្រំដែន។

ក្រុមហេសបូឡាដែលគាំទ្រដោយអ៊ីរ៉ង់ បាននិងកំពុងបាញ់ប្រហារតគ្នាជាមួយកងកម្លាំងអ៊ីស្រាអែល នៅទូទាំងព្រំដែនលីបង់-អ៊ីស្រាអែល ចាប់តាំងពីសង្រ្គាមហាម៉ាស-អ៊ីស្រាអែល បានចាប់ផ្តើម នៅថ្ងៃទី៧ ខែតុលា នៅក្នុងការប្រយុទ្ធដ៏អាក្រក់បំផុតនៅទីនោះ ចាប់តាំងពីក្រុមហេសបូឡា និងអ៊ីស្រាអែល បានធ្វើសង្រ្គាម ក្នុងឆ្នាំ ២០០៦។

អ្នករិះគន់ក្រុមហេសបូឡាដែលប្រដាប់ដោយអាវុធធុនធ្ងន់គឺ សម្តេចសង្ឃគ្រិស្ត Bechara Boutros Al-Rai បានអំពាវនាវឲ្យអនុវត្តដំណោះស្រាយក្រុមប្រឹក្សាសន្តិសុខឆ្នាំ២០០៦ ដែលបានបញ្ចប់សង្រ្គាមឆ្នាំ ២០០៦ ដោយបានបញ្ជាក់ថា វាបានបញ្ជាឲ្យភាគីទាំងពីរ ឈប់បាញ់គ្នា។

លោកបានអំពាវនាវដល់មន្ត្រីរដ្ឋលីបង់ឲ្យធ្វើការ ដើម្បីរក្សាប្រទេសលីបង់ឲ្យនៅឆ្ងាយ «ពីគ្រោះមហន្តរាយនៃសង្គ្រាមនេះ ... និងដើម្បីអនុវត្តតួនាទីនយោបាយ និងការទូតរបស់ខ្លួន ក្នុងការគាំទ្របុព្វហេតុប៉ាឡេ  ស្ទីននោះ ឲ្យកាន់តែមានប្រសិទ្ធភាព»។