មន្ត្រីជើងចាស់ Tzvi Koretzki មានតួនាទីក្នុងប្រតិបត្តិការជាច្រើនប្រឆាំងនឹងក្រុមសកម្មប្រយុទ្ធប៉ាឡេស្ទីនក្នុងរយៈពេល ២៥ឆ្នាំចុងក្រោយនេះ ប៉ុន្តែជឿថា ការប្រយុទ្ធរបស់អ៊ីស្រាអែលប្រឆាំងនឹងក្រុមហាម៉ាសនៅតំបន់ហ្កាហ្សា «នឹងជាសង្រ្គាមកាន់តែពិបាក»។

ដោយចល័តជុំវិញលោកវរសេនីយ៍ទោបម្រុង មានវ័យ ៤៧ឆ្នាំ គឺជាទាហានវ័យក្មេងរាប់សិបនាក់ ភាគច្រើនមានអាយុពាក់កណ្តាលអាយុរបស់គាត់ មិនមានបទពិសោធក្នុងការប្រយុទ្ធពីមុនមកទេ។

នៅលើព្រំដែនរវាងអ៊ីស្រាអែលនិងហ្កាហ្សា កាណុងនៃកងវរសេនាធំកាំភ្លើងធំរបស់ពួកគេឥឡូវនេះ បានបាញ់ទាំងយប់ទាំងថ្ងៃ ទៅកាន់គោលដៅដែលមើលមិនឃើញហួសពីរបាំងដើមឈើហ៊ុមព័ទ្ធជុំវិញនោះ។

 លោក Koretzki ត្រូវបានគេហៅឲ្យទៅកាន់កងវរសេនាធំរបស់គាត់ នៅថ្ងៃទី៧ ខែតុលា ជាថ្ងៃដែលក្រុមហាម៉ាស បានងើបចេញពីតំបន់ហ្កាហ្សាស្ទ្រីប ហើយមន្ត្រីអ៊ីស្រាអែលបាននិយាយថា មនុស្ស ១.៤០០ត្រូវបានសម្លាប់ដែលភាគច្រើនជាជនស៊ីវិល។