ភ្នំពេញ៖ កងកម្លាំងសណ្តាប់ធ្នាប់ខណ្ឌចំការមនចុះរៀបចំសណ្ដាប់ធ្នាប់ និងបរិស្ថានអនាម័យ តាមប្រឡាយលូ បឹងត្របែកលេខ ផ្លូវលេខ១០៥ ដើម្បីឲ្យមានបរិស្ថានអនាម័យនិងសោភ័ណភាពល្អ ដោយកន្លងមកតាមបណ្ដោយប្រឡាយនេះគឺមានដើមឈើ ដុះពាសពេញប្រឡាយនិងសំរាមជាដើម។

ការចុះរៀបចំនេះធ្វើឡើងនៅរសៀលថ្ងៃទី០៩ ខែវិច្ឆិកាឆ្នាំ ២០២៣ លោក កៀង ល័ក្ស អភិបាលខណ្ឌចំការមន បានចុះដឹកនាំកម្លាំងគណៈបញ្ជាការឯកភាពខណ្ឌដោយផ្ទាល់ ដើម្បីចុះធ្វើការងារបរិស្ថានអនាម័យនេះឲ្យបានល្អប្រសើរ។

លោក កៀង ល័ក្ស អភិបាលខណ្ឌចំការមន បានឲ្យដឹងថានៅតាមបណ្ដោយប្រឡាយលូ បឹងត្របែកលេខ១០៥ នេះអាជ្ញាធរបានចុះរៀបចំសណ្ដាប់ធ្នាប់ជាញឹកញាប់ផងដែរ ដូច្នេះអាជ្ញាធរធ្វើការ កាប់ដើមឈើដែល បានដុះនៅតាមបណ្ដោយប្រឡាយលូ បឹងត្របែក  ដេីម្បី ការ ពារ កុំឱ្យ មានការ បាក់មែកឈេី បង្ករឱ្យកកស្ទះ ប្រព័ន្ធ លូបង្ហូរ និង ជៀសវាង កុំឱ្យ មាន ការជន់លិច នៅពេលមាន ភ្លៀង ធ្លាក់។ និងដើម្បីឲ្យមានបរិស្ថានល្អប្រសើរជាងនេះ។ 

លោក អភិបាលបានបន្តថា លោកបានណែនាំដល់ប្រជាពលរដ្ឋដែលមានលំនៅដ្ឋានរស់នៅតាបណ្ដោយផ្លូវនិងប្រឡាយលូបឹងត្របែក លេខ ១០៥ ឲ្យចូលរួមថែរក្សាបរិស្ថានអនាម័យទាំងអស់គ្នា។ជាពិសេសនោះទុកដាក់សំរាមឲ្យបានត្រឹមត្រូវរៀងរាល់ម៉ោងដែលក្រុមហ៊ុនប្រមូលសំរាមមកយក ចៀសវាងការចោលសម្រាមចូលក្នុងប្រឡាយទឹកស្អុយ ធ្វើឱ្យប៉ះពាល់ដល់បរិស្ថានអនាម័យនិងសណ្ដាប់ធ្នាប់សោភណ្ឌភាពផងដែរ៕ អត្ថបទ៖ កុម្ភៈ