ស្វាយរៀង៖ រដ្ឋបាលខេត្តស្វាយរៀង បានប្រកាសពីការរកឃើញប្រជាពលរដ្ឋ ៣៨នាក់ទៀតបានឆ្លងមេរោគកូវីដ-១៩ ដែលភាគច្រើនជាកម្មករកម្មការិនីនៃរោងចក្រនៅតំបន់សេដ្ឋកិច្ចពិសេសស្ថិតក្នុងក្រុងបាវិត។
ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តស្វាយរៀងបញ្ជាក់ថា កម្មករកម្មការិនីចំនួន ៣៤នាក់ទៀត ដែលបម្រើការនៅរោងចក្រនានានៅតំបន់សេដ្ឋកិច្ចពិសេសស្ថិតក្នុងក្រុងបាវិត ត្រូវបានរកឃើញឆ្លងមេរោគកូវីដ-១៩នៅថ្ងៃនេះ។
ក្រៅពីកម្មករកម្មការិនី រដ្ឋបាលខេត្តនេះ បានឱ្យដឹងទៀតថា ប្រជាពលរដ្ឋចំនួន ៤នាក់ផ្សេងទៀត ក៏ត្រូវបានរកឃើញឆ្លងមេរោគផ្លូវដង្ហើមនេះផងដែរ។
គិតត្រឹមថ្ងៃនេះ រដ្ឋបាលខេត្តស្វាយរៀង បានឱ្យដឹងថា មានប្រជាពលរដ្ឋសរុបដល់ទៅ ១ ១៤៦នាក់ហើយត្រូវបានរកឃើញឆ្លងមេរោគកូវីដ-១៩នៅទូទាំងខេត្តមួយនេះ ក្នុងនោះពលរដ្ឋ ៧នាក់បានស្លាប់ដោយសារជំងឺនេះ។
រដ្ឋបាលខេត្តស្វាយរៀង បញ្ជាក់ថា អ្នកជំងឺចំនួន ៦៦២នាក់ ត្រូវបានព្យាបាលជាសះស្បើយឡើងវិញ ខណៈអ្នកជំងឺចំនួន ៤៧៦នាក់ទៀត កំពុងស្ថិតក្រោមការព្យាបាលបន្ត៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
