ហ្កាហ្សា ៖ ក្រុមប្រឹក្សាក្រុងគូដាហ៊ី (Cudahy) កាលពីថ្ងៃអង្គារ បានបោះឆ្នោតលើដំណោះស្រាយមួយ ដើម្បីបញ្ជាក់ពីការគាំទ្រ និងសាមគ្គីភាពរបស់ទីក្រុងនេះជាមួយប្រជាជនប៉ាឡេស្ទីននៃតំបន់ហ្កាហ្សាស្ទ្រីប។

សេចក្តីសម្រេចនេះ គាំទ្រដល់សេចក្តីសម្រេចពីសភារបស់លោកតំណាងរាស្ត្រ Cory Bushដែលអំពាវនាវឲ្យមានការបន្ធូរបន្ថយភាពតានតឹងជាបន្ទាន់ និងបទឈប់បាញ់ នៅអ៊ីស្រាអែល និងគ្រប់គ្រងប៉ាឡេស្ទីន នេះបើយោងតាមរបៀបវារៈនៃកិច្ចប្រជុំនេះ។

សមាជិកសហគមន៍ប្រហែល ៧០នាក់ បានចែករំលែកមតិរបស់ពួកគេទាក់ទងនឹងសេចក្តីសម្រេចនេះ មុនពេលសមាជិកក្រុមប្រឹក្សា បានបោះឆ្នោតលើចំណាត់ការនេះ។ វាត្រូវបានអនុម័តដោយការបោះឆ្នោតដែលមានសំឡេង៣-១ក្នុងអំឡុងពេលកិច្ចប្រជុំ នេះបើយោងតាមសារព័ត៌មាន L.A. Taco ដែលបានរាយការណ៍ព័ត៌មាននេះ ពីដំបូង។

ជនរងគ្រោះហាម៉ាស ចែករំលែករឿងរ៉ាវរស់រានមានជីវិតដ៏គួរឲ្យភ័យខ្លាច នៅព្រឹត្តិការណ៍ នៅទីក្រុងឡូសអេនជឺឡេស( Los Angeles)។ 

ទីក្រុងគូដាហ៊ី មានចម្ងាយប្រហែល ១១ ម៉ាយពីទីក្រុងឡូសអេនជឺឡេស( Los Angeles) ។

របៀបវារៈនៃកិច្ចប្រជុំ បានឲ្យដឹងថា៖«ទីក្រុងគូដាហ៊ី កាន់ទុក្ខចំពោះការបាត់បង់ជីវិតជនស៊ីវិលទាំងអស់ដែលបានបាត់បង់ ពីថ្ងៃទី៧ ខែតុលា រហូតមកដល់បច្ចុប្បន្ន និងពេញមួយទសវត្សរ៍នៃការផ្លាស់ទីលំនៅ ការកាន់កាប់ ការគៀបសង្កត់ និងការបិទផ្លូវដែលបានកើងឡើង នៅក្នុងតំបន់ហ្កាហ្សា និងវេសបែង»។